Blikar mættu sterkar til leiks, ákveðnar í að sækja fyrsta sigurinn í rúman mánuð. Breiðablik hélt vel í boltann og skapaði sér ágæta sénsa sem ekki nýttust í fyrri hálfleik. Það var þó aðeins spurning um hvenær en ekki hvort Blikar kæmu inn marki og Írena Héðinsdóttir Gonzales braut ísinn á 52. mínútu. Í kjölfarið á markinu áttu gestirnir í Aftureldingu fínan kafla en þegar Agla María Albertsdóttir gerði annað mark Blika á 70. mínútu urðu vonir gestann að engu. Agla María bætti svo við öðru marki 12 mínútum síðar og gerði endanlega út um leikinn.

Sóknarþungi Blika jókst eftir því sem á leið og Írena Héðinsdóttir Gonzales náði að brjóta ísinn snemma í síðari hálfleik. Markið skoraði hún með góðu skoti og hún skilaði boltanum örugglega í fjærhornið. Hennar fyrsta mark í sumar.

Blikar styrkja stöðu sína í 2. sætinu og eiga enn tölfræðilega möguleika á Íslandsmeistaratitli. Afturelding er 4 stigum á eftir Keflavík þegar 2 umferðir eru eftir. Þær halda fast í vonina um að halda sér uppi.

Það átti engin neitt sérstaklega vondan dag en tveir miðjumenn Aftureldingar fengu að líta gult spjald og verða í leikbanni í næsta leik. Þær Sigrún Eva og Anna Pálína. Þriðji miðjumaðurinn fór svo meiddur af velli svo það gæti orðið púsl fyrir Alexander Aron að stilla upp í næsta leik.

Tríóið gerði vel. Egill Arnar var mögulega svolítið fljótur að teygja sig eftir gulu spjöldunum en það sama gekk yfir bæði lið í þeim efnum. Annars voru engin stór vafaatriði í leiknum.