Sverrir Örn Einarsson @SEinarsson

Textalýsing Skýrslan

Hvað réði úrslitum? Leikir þessara liðanna ráðast af augnablikinu. Falli það öðru liðinu í skaut reynist það oft hafa úrslitaáhrif. Blikar settu fyrsta mark leiksins og eins og oft vill verða í leikjum þessara liða færði það þeim ágæta stjórn á leiknum, Víkingar reyndu hvað þeir gátu er líða fór á en of lítið og of seint. Bestu leikmenn 1. Patrik Johannesen Mark,stoðsending og fiskað víti. Ef þetta er eitthvað sem Patrik ætlar að bjóða upp á reglulega í sumar mega Blikar hlakka til. 2. Ágúst Eðvald Hlynsson Aldrei vantað upp á hlaupagetu hjá drengnum þeim en hann hefur bætt sinn leik helling að undanförnu. Sinnir varnarskyldu og sívinnandi fyrir liðið. Atvikið Vítaspyrnan sem Víkingar fengu. Var einhver dramatík í vændum og vítaspyrna sem Blikar voru langt í frá sáttir með. Slökktu svo reyndar í þeim vangaveltum örskömmu síðar þegar þeir fengu sjálfir vítaspyrnu.

Hvað þýða úrslitin? Blikar eru Meistarar meistaranna og hirða þann bikar af Víkingum sem unnu hann í fyrra. Vondur dagur Ingvar Jónsson þurfti að yfirgefa völlinn í fyrri hálfleik vegna meiðsla eftir samstuð við Patrik í liði Blika. Reyndi að halda áfram en fann þegar þegar Blikar bættu við marki númer tvö að hann gæti ekki haldið áfram. Vont fyrir Víkinga að missa hann ef meiðslin halda honum eitthvað frá vellinu, Dómarinn - 6 Heilt yfir allt í lagi hjá Erlendi. Stóru dómarnir að öllum líkindum réttir en hefði kannski á köflum getað verið fljótari að grípa inní þegar hitna fór í kolunum. Gaman að sjá þó að hann er í hörkustandi og klár í sumarið.