Mjög svo furðulegur leikur að mörgu leiti. Breiðablik byrjaði mun betur og virtust ætla að hlaupa með leikinn strax í fyrri hálfleik áður en Gummi Magg minnkar munin fyrir hlé. Fram kemur svo gríðarlega kraftmikið út í síðari hálfleikinn og algjörlega svart og hvítt frammistaða hjá þeim í fyrri og seinni hálfleik. Það er svo Klæmint Olsen sem tryggir Blikum mikilvægan sigur.

Sigurmark Breiðablik í blálok uppbótartímas. Klæmint Olsen í sínum fyrsta Bestu deildar leik með late winner.

Breiðablik er komið í 6 stig og upp í efri hluta töflunnar en hve hátt er ekki hægt að segja til um þar sem þetta er eini leikurinn sem er búin í 4.umferð. Fram leitar enn að sínum fyrsta sigri og sitja áfram á botninum.

Í fyrri hálfleik hefði verið hægt að taka fyrir Frammarana nánast alla en hvernig leikurinn þróaðist er ekki hægt að setja neinn hér.

Var skrítin lína og stundum var henni haldið og stundum ekki. Blikar ósáttir með jöfnunarmarkið þar sem í aðdragandanum vildu þeir meina að brotið hafi verið á Patrik sem mér fannst þeir mögulega hafa eitthvað til síns máls. Sleppi Elíasi Inga við fall en við höfum séð það betra.