Jóhann Þór Hólmgrímsson @Johannthor21

Textalýsing Skýrslan Viðtöl

Hvað réði úrslitum? Þetta var í járnum áður en Benedikt Waren fékk rauða spjaldið fyrir dýfu. Þórsarar komust yfir einum fleiri og hefðu getað gert út um leikinn þegar Valdimar Daði slapp einn í gegn en lét verja frá sér. Vestri beit örlítið frá sér einum færri en það dugði ekki til. Mjölnismenn, stuðningsmannasveit Þórs var einnig gríðarlega lífleg á hliðarlínunni sem gleður væntanlega alla Þórsara að sjá. Bestu leikmenn 1. Bjarni Guðjón Brynjólfsson Var sterkur í sókninni og skoraði sigurmarkið sem tryggði Þórsurum stigin þrjú. 2. Valdimar Daði Sævarsson Var góður í dag og átti frábæra stoðsendingu á Bjarna. Hann fær þó mínus í kladdann fyrir að klikka á dauðafæri seint í leiknum. Atvikið Dýfan hjá Benedikt Waren var dýrkeypt fyrri Vestramenn. Einnig áhyggjuefni fyrir Þórsara að Alexander Már Þorláksson hafi þurft að fara af velli vegna höfuðmeiðsla.

Hvað þýða úrslitin? Þórsarar komnir með þrjá punkta á töfluna en Vestri án stiga. Svo einfalt er það. Vondur dagur Rafael Broetto Henrique markvörður Vestra átti að mínu mati að gera mun betur í báðum mörkunum. Virkaði laus skalli af löngu færi hjá Bjarna Guðjóni og aukaspyrnan hjá Marc var ekkert út við stöng. Dómarinn - 6 Fannst hann vera með ágætis tök á þessu framan af. Hins vegar var rauða spjaldið sérstakt. Það leið ótrúlega langur tími frá því hann reif upp gula spjaldið og gaf Benedikt loks rautt.