Sæbjörn Þór Þórbergsson Steinke @saebjornth

Textalýsing Skýrslan Viðtöl

Hvað réði úrslitum? Sigurmark sem var í engum takti við leikinn, frábært samspil og geggjað slútt. Leikurinn var lokaður, Blikar héldu boltanum betur og voru kannski líklegri en sköpuðu nánast ekkert. Gísli átti skot fyrir utan teig sem Simen varði og norski markvörðurinn sló einu sinni boltann yfir markið, það var svona það helsta sem hann þurfti að gera í leiknum, Anton hinu megin þurfti heldur ekki mikið að gera, þurfti ekki að verja tilraunina frá Jóhannesi Kristni í byrjun seinni hálfleiks því hún fór ekki á markið. Bestu leikmenn 1. Oliver Sigurjónsson Fannst Oliver frábær í þessum leik, setti oft fótinn hreinlega niður og stöðvaði einhverjar tilraunir KR til að sækja, vann boltann og hóf sókn í hina áttina. Fann sig virkilega vel í þessum erfiðu aðstæðum í dag. 2. Gísli Eyjólfsson Hetjan í leiknum, tók þetta færi gríðarlega vel og tryggði sigurinn. Höskuldur var einnig virkilega góður hjá Blikum og Finnur Tómas átti sennilega sinn besta leik hjá KR í sumar. Atvikið Sigurmarkið, geggjað samspil milli Gísla, Höskulds og Klæmints. Það var í raun í engum takti við það sem annars gerðist í þessum leik.

Hvað þýða úrslitin? Úrslitin heilt yfir í dag þýða að Breiðablik er þriðja liðið í þriggja liða baráttu efst í deildinni, í humátt á eftir Víkingi og Val. Fjórði sigur liðsins í röð og framlagið í þessum leik til mun meiri fyrirmyndar en það sem liðið sýndi í síðasta leik. Hin hliðin á peningnum er sú að þetta var fimmta tap KR í röð, fimmti leikurinn í röð þar sem liðið nær ekki að skora og liðið er komið í fallsæti. Ef Fylkir vinnur á morgun verður KR í botnsæti deildarinnar! Frammistaðan og hjartað sem liðið sýndi í dag gefur fyrirheit á betri tíma. Framundan eru bikarleikir hjá liðunum, svo mætir Breiðablik KA í deildinni og KR heimsælir Fram þar sem þrjú stig þurfa að nást. Vondur dagur Þessi leikur fær þetta bara fyrir að vera hreinlega hundleiðinlegur og höfðu aðstæður mest um það að segja. Aðstæður fá falleinkunn í dag. Dómarinn - 8 Mér fannst Erlendur dæma þennan leik virkilega vel, ekki erfiðasti leikurinn til að dæma, náðist ekki hraði í að hækka erfiðleikastigið.