Tindastóll komst yfir snemma leiks en eftir það tóku Selfyssingar yfir leikinn og stýrðu honum. Jöfnunarmark Selfyssinga var mjög ódýrt þar sem boltinn lak í gegnum alla vörn Tindastóls eftir hornspyrnu og gaf það Selfyssingum mikinn kraft.

Mark Kötlu Maríu úr óbeinni aukaspyrnu, ekki á hverjum degi sem maður sér það vera dæmt og Katla átti frábært skot upp úr óbeinnu aukaspyrnunni sem endaði í netinu.

Selfyssingar lyfta sér úr botnsæti deildarinnar og eru þær komnar í 7. sæti deildarinnar. Tindastóll er komið niður í botnsæti og eru tveimur stigum frá Selfoss, Keflavík og FH sem eru öll með 4 stig.

Monica Wilhelm í marki gestanna átti ekki sinn besta dag. Í fyrsta marki Selfyssinga átti hún að mínu mati að gera mun betur þar sem boltinn lak inn í netið. Í þriðja marki Selfoss tók hún boltann upp eftir sendingu frá liðsfélaga og fékk dæmt á sig óbeina aukaspyrnu sem Katla skoraði upp úr.

Jakub Marcin Róg og aðstoðarmenn hans áttu flottan leik í dag, spurning hvort að Katla hefði mátt vera rekin af velli eftir tæklingu í fyrri hálfleik. Heilt yfir fínasti leikur hjá tríóinu.