Anton Freyr Jónsson @antonfreeyr

- Meðalaldur 8 ár

- Meðalaldur 21 ár

Textalýsing Skýrslan

Hvað réði úrslitum? Þróttarar voru heilt yfir betri í leiknum í kvöld og áttu sigurinn skilið. Sköpuðu fleiri færi og hefði liðið alveg geta skorað fleiri mörk í fyrri hálfleik áður en Ægismenn náðu inn jöfnunarmarkinu. Ægismenn komu betri inn í síðari hálfleikinn en Þróttarar kláruðu leikinn vel undir lokin. Bestu leikmenn 1. Sam Hewson (Þróttur Reykjavík) Sam Hewson er maður leiksins í kvöld finnst mér. Var mjög góður inn á miðri miðjunni hjá Þrótti og stýrði að löngum köflum spili liðsins. Sam Hewson skoraði einnig annað mark Þróttar í kvöld af vítapunktinum 2. Ágúst Karel Magnússon (Þróttur Reykjavík) Ágúst Karel var að mæta sínum gömlu félögum og spilaði rétt tæpar 70 mínútur í kvöld og var magnaður þessar mínútur sem hann spilaði. Óngaði stanslaust með hraða sínum og krafti. Atvikið Dauðafærið sem Daníel Smári Sigurðsson klúðraði í stöðunni 1-1 - Fékk boltann frá Renato Punyed inn á teiginn og var aleinn við vítapunktinn og hamraði boltann yfir.

Hvað þýða úrslitin? Þróttarar eru komnir með fjögur stig á töfluna eftir fyrstu þrjár umferðirnar á meðan Ægismenn eru aðeins með 1.stig. Þróttur fer í heimsókn til Njarðvíkur í næstu umferð á meðan Ægismenn fá Selfoss í heimasókn í alvöru nágrannaslag. Vondur dagur Daníel Smári Sigurðsson (Ægir) - Það er erfitt að finna einhvern í þennan dálk en ég ætla að setja Daníel í hann en hann klúðraði þessu dauða færi á 70.mínútu leiksins og fékk síðan á sig vítið níu mínútum síðar. Dómarinn - 7 Pétur Guðmundsson og hans menn voru flottir í kvöld og ekkert út á þá að setja.