Heilt yfir var þetta frekar jafn leikur, en einnig virkilega kaflaskiptur. Vörnin og liðsheildin hjá HK er eitt af því sem að réði úrslitum í kvöld. Fylkir var í erfiðleikum að skapa sér almennileg færi og hélt HK hreinu á móti næst markahæsta liði deildarinnar.

Eina mark leiksins, sem Isabella Eva Aradóttir skoraði, var aðal atvikið í leiknum. Að öðru leiti einkenndist leikurinn af því að bæði lið voru í erfiðleikum með að halda boltanum innan liðsins en áttu inn á milli efnilegar sóknir.

1-0 sigur HK merkir það að liðið kemst upp fyrir Fylki og upp í annað sætið með 10 stig. HK er aðeins tveimur stigum fyrir neðan Víking, sem sitja á toppi deildarinnar, eftir leikinn í kvöld. Fylkir dettur niður í þriðja sætið og er með 7 stig eftir 4 leiki.

Mjög erfitt að benda á einhverja eina sem átti vondan dag. Flestir leikmenn stóðu sig vel.

Bjarni Víðir hefði alveg mátt dæma þennan leik betur. Hafði svo sem ágæt tök á leiknum í fyrri hálfleiknum en var í erfiðleikum í þeim seinni. Dæmdi að mér fannst ójafnt á milli liða og var ekki nógu oft samkvæmur sjálfum sér.