Blikar sóttu meira og voru stóran part leiksins töluvert líklegri til þess að setja boltann í netið en FH vörðust vel og voru þéttar fyrir. FH voru snöggar að sækja þegar þær unnu boltann og þær hefðu hæglega getað unnið þetta í dag.

Það er bara eitt sem kemur til greina og það er sigurmarkið sem kom á 93. mínútu. Þetta hefði getað dottið öðrum hvorum megin í lokinn en Blikarnir náðu að sækja mikilvæg 3 stig.

Blikarnir jafna stigafjölda Þór/KA en með betri markatölu fara þær upp í 3. sæti deildarinnar. FH eru áfarm með 4 stig og fara á botninn þar sem að Tindastóll, sem var fyrir neðan þær fyrir umferðinar, vann sinn leik.

Mér fannst enginn einn leikmaður í dag eiga sérstaklega slakan leik. Ég set smá spurningarmerki við Telmu í fyrsta markinu hjá FH en það var erfitt að segja til um það. Hildur Þóra er svo mjög klaufsk í marki tvö hjá FH þegar hún virtist ekki alveg vita hvað hún ætti að gera við boltann og Mackenzie vinnur hann af henni. Þessi atvik komu þó ekki að sök þegar Soffía flautaði leikinn af þannig að þær ættu báðar að geta sofið rótt í nótt.

Mér fannst Soffía dæma þetta vel í dag. Hún var ekki að henda í mikið af óþarfa flautum og leyfði leiknum að ganga.