Þróttarar tóku bara yfir leikinn í seinni hálfleiknum á meðan Valskonur reyndu að verja stöðu sína. Heimakonur voru með meiri breidd í sínum leikmannahópi í kvöld og það reyndist þeim vel því varamenn þeirra komu frábærlega inn í leikinn.

Sigurmark Þróttar, sem kemur í lok leiksins, er auðvitað stærsta atvik leiksins. Valskonur hefðu hæglega getað komið í veg fyrir það áður en Sæunn Björnsdóttir skilaði boltanum í markið.

Þróttarar eru komnir í átta-liða úrslitin á meðan Valskonur eru leik. Valur er ríkjandi meistari en þær munu ekki verja titil sinn.

Valskonurnar í liði Þróttar, Ólöf Sigríður Kristinsdóttir og Katla Tryggvadóttir, áttu ekki sinn besta dag. Katla komst ekki í takt við leikinn áður en hún meiddist og Olla fann sig ekki alveg. Fanney Inga Birkisdóttir, markvörður Vals, átti góðan leik framan af en gerði slæm mistök í sigurmarki Þróttar. Breiddin hjá Val átti líka vondan en þær voru aðeins með þrjá útileikmenn á bekknum vegna meiðsla og veikinda. Í hvert skipti sem Valur missir af titli þá er það vondur dagur hjá félaginu.

Mjög vel dæmdur leikur hjá Helga og hans teymi.