Eftir frekar jafnan fyrri hálfleik þar sem bæði lið fengu færi opnaðist leikurinn í seinni hálfleiknum með tveimur mörkum frá Valsmönnum á stuttum tíma. Víkingar náðu að svara og komu stöðunni í 1-2 og eftir þriðja markið hjá Valsmönnum þá datt tempóið niður hjá Víkingum en náðu þó inn marki á 92 mínútu og kom það bara of seint og Valsmenn með gríðarlega sterkan sigur.

Aron Jóhannssson fékk boltann eftir innkast og átti frábæra sendingu út til vinstri í hlaup á Tryggva Hrafn sem tók hann með sér inn á teiginn og leitar á hægri fótinn og klárar frábærlega. Geggjað mark.

Víkingar sitja enþá á toppi deildarinnar með 27.stig. Valur lyftir sér upp í annað sæti deildarinnar með 22.stig og fimm stigum á eftir Víkingum.

Karl Friðleifur var í brasi í kvöld og missti Tryggva Hrafn fram fyrir sig í öllum þremur mörkum Vals.

Vilhjálmur Alvar og hans menn dæmdu þennan leik frábærlega í kvöld og ekkert út á þá að setja.