Rauða spjaldið hafði mikil áhrif á leikinn en Afturelding spilaði gríðarlega vel og átti sigurinn svo sannarlega skilið. Það voru nokkrir frábærir spilkaflar hjá Mosfellingum í leiknum sem virkilega gaman var að horfa á.

Rauða spjaldið sem Guðjón Pétur Lýðsson fær í fyrri hálfleik er klárlega atvik leiksins. Við endursýningu er það réttur dómur. Hann fylgir eitthvað eftir sér og var greinilega ekki rétt stilltur á þeim tímapunkti. Það gerði Grindvíkingum mjög erfitt fyrir.

Afturelding er á toppi Lengjudeildarinnar ásamt Fjölni með 13 stig úr fimm leikjum. Þetta er fyrsta tap Grindavíkur í sumar en liðið er með tíu stig í þriðja sæti. Þessi sigur í kvöld eru skýr skilaboð: Afturelding er ekkert að leika sér, þeir ætla sér upp úr þessari deild.

Guðjón Pétur fær þetta. Alls ekki hans dagur og rauða spjaldið var dýrkeypt.

Erlendur fannst mér dæma þetta mjög vel. Hann var með stóru ákvarðanirnar réttar og var með flott tök á leiknum.