Færanýting Skagamanna í seinni hálfleik. Fjölnir sáu ekki til sólar í allan seinni hálfleik þar sem Skagamenn voru syndandi í færum og Sigurjón var að verja eins og óður maður í marki Fjölnis. Ég man ekki eftir að Fjölnismenn komust mikið yfir miðju áður en þeir skora mark númer 2.

Markvarsla Sigurjóns á 70. mínútu í stöðunni 1-0. Líklegast bara markvarsla tímabilsins. Einnig hefði mark hjá Skaganum á þessum tímapunkti í leiknum gert það að verkum að þeir hefðu unnið leikinn að mínu mati.

Fjölnir fer á toppinn á markatölu en þeir eru með jafn mörg stig og Afturelding. Skagamenn sitja hinsvegar eftir í sjöunda sæti og eru að fjarlægast topp pakkann.

Jón Þór Hauksson. Það hlýtur að vera komin alvöru pressa á Jón eftir úrslitin í dag. Einn sigur í fimm leikjum. Maður hefði líka getað valið bara sóknarleik Skagans en Jón Þór fær þetta þar sem leikurinn tapast hjá ÍA og síðan ákvað hann ekki að koma í viðtal til mín!

Drullu góður í dag. Skýr lína og hafði mikla stjórn á leiknum. Eina sem er kannksi hægt að sitja út á hann er þessi vítaspyrnudómur. En þar sem það kom ekki að sök þá fær hann verðskuldaða áttu frá mér í dag.