Framan af var leikurinn mjög lokaður en eftir að Stjarnan braut ísinn þá opnaðist leikurinn heldur betur og það var eins og Breiðablik þorðu að taka fleiri áhættur eftir mark Stjörnunnar. Lokatölur 1-1, sanngjörn úrslit að mínu mati.

Agla María klúðraði víti í stöðunni 0-1, þar sem hún skaut í stöngina en það kom ekki að sök þar sem Breiðablik jafnaði metin aðeins tveimur mínútum síðar.

Úrslitin þýða það að Breiðablik heldur sér í 2. sætinu með 13 stig. Stjarnan er í 4. sæti deildarinnar með 11 stig. Valskonur eru líklegast hæstánægðar með úrslitin í þessum leik og gefur jafnteflið þeim þriggja stiga forskot á Breiðablik.

Málfríður Erna Sigurðardóttir skoraði mjög óheppilegt sjálfsmark þar sem hún fékk boltann í andlitið og inn, virkilega klaufalegt. Agla María klúðraði einnig víti þar sem hún skaut í stöngina, hver veit hvað hefði gerst hefði hún skorað úr vítinu.

Arnar Þór Stefánsson og fylgilið hans stóðu sig með prýði í dag, ekkert sem ég get sett út á. Dæmdu réttilega vítaspyrnu og voru með leikinn undir góðri stjórn.