Aðstæður spiluðu liðin grátt í kvöld. Mikið rok og mikil rigning gerði liðunum erfitt fyrir. Selfoss komst yfir eftir mistök í öftustu línu hjá Njarðvíkingum í fyrri hálfleik. Njarðvíkingar jöfnuðu leikinn undir lok leiks og þar við sat.

Selfoss kemst yfir eftir klaufagang aftast hjá Njarðvík. Walid kemur með erfiða sendingu sem Selfyssingar vinna og gera vel í að komast yfir.

Selfoss fer í 10 stig og heldur 4.sætinu um stund allavega. Njarðvíkingar fara í 6 stig og lyfta sér uppfyrir Vestra í 7.sætið um stund.

Oumar Diouck og Rafael Victor fengu báðir færi til þess að koma Njarðvíkingum fyrr inn í leikinn. Diouck fékk færi sem hann hefði skorað úr í fyrra og Rafael Victor fékk frábæra fyrirgjöf sem hann hefði átt að ráðast á óvaldaður í teignum í stað þess að taka niður og gefa Selfoss færi á að verjast.

Mjög vel dæmdur leikur hjá ÞÞÞ. Leyfði leiknum að fljóta og engar furðulegar ákvarðanir. Dómarateymið komst vel frá verkefninu.