Sölvi Haraldsson @Breiiiiiiiiiii

- Meðalaldur 10 ár

- Meðalaldur 20 ár

Textalýsing Skýrslan Viðtöl

Hvað réði úrslitum? Afturelding komu betur gíraðar í leikinn og vildu sigurinn meira en Víkingar. Þær voru alltaf á undan Víkingum í boltann og þriðja mark Aftureldingar summar upp leikinn þegar Hildur tæklaði boltann inn. Síðan gefa Víkingar bara þrjú ódýr mörk á sig og voru í basli að skapa færi. Bestu leikmenn 1. Hildur Karítas Gunnarsdóttir Var frábær og er maður leiksins með yfirburðum. Skorar tvö og getur svo sannarlega verið stolt af sínu framlagi í kvöld. Hætti aldrei að hlaupa, öskra aðra leikmenn í gang og skapa vandræði í vörn Víkinga. Maður getur alveg tekið undir með Alexandri, þjálfara Aftureldingar, að hún sé besti leikmaður deildarinnar. 2. Þorbjörg Jóna Garðarsdóttir Margir aðrir leikmenn sem koma til greina en ég vel hana þar sem hún átti stórleik í vörn Aftureldingar í kvöld. Var ógeðslega dugleg að skalla allt frá sem kom inn á teiginn og átti stóran þátt í því að Afturelding náði að klára þennan leik. Þá kannski sérstaklega þegar hún bjargaði á línu alveg í lokin, magnað dæmi. Atvikið Þriðja mark Aftureldingar. Víkingar voru búnar að vera ívið betri í seinni hálfelik og fram að markinu og að fá þetta mark á sig var eins og blaut tuska í andlitið því leikurinn hefði þróast í allt aðra átt en hann hefði gert ef Víkingskonur hefðu ekki gefið Aftureldingu þetta mark.

Hvað þýða úrslitin? Víkingar tapa sínum fyrsta leik í sumar og fara niður í annað sætið. Hinsvegar fara Afturelding upp í fimmta sætið með átta stig. Vondur dagur Sigdís Eva Bárðardóttir. Kannski dálítið grimmt val þar sem hún kom Víkingum yfir í kvöld en hún hinsvegar gefur Aftureldingu þriðja markið þeirra með slæma sendingu til baka sem Hildur nýtti og tæklaði inn. Ef Hildur hefði ekki skorað hefði leikurinn þróast í allt aðra átt. Dómarinn - 8.5 Bara ágætis leikur hjá Helga og ekkert út á hann að sakast. Fannst vítaspyrnan vera rétt ákvörðun. Ef maður ætti að setja eitthvað út á hann væri það kannski línan á gulu spjöldunum. Annars bara frábær leikur í alla staði hjá Helga.

- Meðalaldur 10 ár

- Meðalaldur 21 ár