Þór/KA komu tilbúnar inn í þennan leik og pressuðu Blikana hátt og uppskáru færi í upphafi leiks, sem og Blikar. Þór/KA skoraði svo mark á lokasekúndum fyrri hálfleiks og snemma í síðari. Það sló þó Blika ekki alveg út af laginu sem gerðu vel og komu til baka og jöfnuðu metin en Þór/KA náði inn sigurmarkinu í uppbótartíma.

Á lokamínútum leiksins kom Bríet Fjóla Bjarnadóttir inn á en hún er fædd árið 2010 og er því gjaldgeng í 4. flokk og er langyngsti leikmaðurinn til að spila í deildinni í sumar.

Þór/KA klifraði upp úr botnsætinu í efri hlutanum en Blikar eru áfram í 2. sæti en baráttan um 2. sæti sem gefur Evrópusæti verður rosaleg á endasprettinum.

Það eru erfiðir tímar í Kópavogi um þessar mundir. Liðið átti erfitt uppdráttar í dag en gerði hrikalega vel í að koma til baka og jafna metin en það dugði því miður fyrir þær, ekki til.

Frábært flæði í leiknum í dag. Fór ekki mikið fyrir honum, góð dagsvinna hjá Aðalbirni.