Víkingar byrjuðu leikinn af krafti og óheppnir að skora ekki í fyrri hálfleik þar sem það er tvívegis bjargað á línu og tréverkið var fyrir í eitt skiptið en á endanum voru það Blikar sem reyndust klínískari og náðu í forskot sem þeir létu ekki af hendi.

Annað mark Blika. Það virtist hafa vankað Víkinga örlítið og fært mikilvæga ró á Blikaliðið. Kom líka á slæmum tíma fyrir Víkinga.

Víkingar eru Íslandsmeistarar en það var ljóst eftir úrslit gærdagsins. Blikar ná sér í stekrt forskot á liðin í kring sem eru að berjast við þá um Evrópusætin og sitja í 3.sæti deildarinnar með 4 stiga forskot á Stjörnuna og FH.

Ingvar Jónsson hefur átt betri daga en í dag. Var veikur í dag og það mátti sjá að hann væri ekki alveg heill því bæði mörkin sem Blikar skora í fyrri hálfleik hefði maður séð Ingvar fyrir sér taka en honum var kippt af velli fyrir síðari hálfleikinn.

Teymið hefur átt betri daga verður bara að viðurkennast. Línan var mjög spes og ákveðnir leikmenn sem komust upp með mun meira en aðrir og sumar ákvarðanir sem voru hreint bara rangar en þó ekkert sem hafði úrslita áhrif.