Fyrri hálfleikurinn var frekar lokaður og það var lítið sem ekkert um færi. En í upphafi seinni hálfleiks kemur Katrín með þetta geggjaða mark sem reyndist vera sigurmarkið. Blikar hefðu alveg getað bætt við frekar en það að Valskonur væru að fara að jafna. Fanney átti stórleik í marki Vals.

Klárlega markið hjá Katrínu í upphafi síðari hálfleik þegar hún gjörsamlega hittir boltann fullkomnlega. Beint í samskeytin fjær og ekki neitt sem Fanney gat gert í því. En honourable mention á Gulla Gull þegar hann greip boltann í miðjum leik. Boltinn flaug í áttina að varamannabekknum og hann greið hann fyrir ofan höfuðið á sér og þurfti að taka nokkur skref aftur á bak svo hann myndi ekki detta. Geggjað atvik.

Valskonur voru orðnar meistarar fyrir leik þannig úrslitin þýða lítið sem ekkert fyrir þær. Hinsvegar voru þetta risa þrjú stig hjá Breiðablik þar sem þær náðu að landa Evrópusætinu með þessum sigri.

Þetta hefur aldrei verið erfiðara. Bæði lið ótrúlega glöð eftir leik þótt að annað liðið hafi tapað. Það eru tveir aðilar þó sem deila þessu. Pétur fyrir að hafa verið með besta leikmann deildarinnar á bekknum en sennilega var það bara til þess að hvíla hana. Hinsvegar AD2 þar sem Katrín skoraði löglegt mark að mínu mati fyrir Breiðablik í seinni hálfleik sem AD2 dæmdi rangstöðu.

Teymið var ótrúlega sterkt í dag enda var besti dómari deildarinnar samkvæmt leikmönnum deildarinnar að dæma. Hans annað ár í röð sem hann vinnur þau verðlaun. Flott flæði í þessu og góðar ákvarðanir fyrir utan markið sem var tekið af Katrínu í seinni hálfleik. Þess vegna fær teymið 9 en ekki 10.