ÍBV sýndi einfaldlega meiri gæði í dag. Liðið hefði getað skorað fleiri mörk en Þróttur barðist vel á köflum.

Það er ekki oft sem dómari liggur í grasinu en Twana og Tómas Bent rákust saman og lá Twana eftir og flautaði til að stöðva leikinn. Það er ekki þægilegt að rekast á Tómas en Twana hélt leik áfram og uppskar lófatak úr stúkunni er hann reis aftur á fætur.

ÍBV vill gera Hásteinsvöll að vígi og kemst á blað í mótinu eftir tap í 1. umferð. Þróttur er enn án sigurs en með stig.

Varnarlína Þróttar var í alls kyns brasi í dag og þurfa þeir að þétta sig ef ekki á illa að fara.

Twana átti ágætan leik en missti stundum taktinn fannst manni. Þá var mjög óheppilegt fyrir hann að dæma ekki a.m.k. aukaspyrnu þegar ÍBV vildi sjá rautt eftir ljóta tæklingu á Bjarka Birni sem fór meiddur af velli.