Fyrri hálfleikurinn var mjög lokaður og lítið um færi. Bæði lið fengu sitthhvort færið en Skagamenn nýttu sitt færi en ekki Vestramenn. 1-0 í hálfleik og Vestramenn byrjuðu seinni hálfleikinn mun betur. Síðan tóku Skagamenn nokkra mínútna kafla þar sem þeir tóku völdin og skoruðu annað mark þar sem William Eskelinen gerði sig sekan um ömurleg mistök. Einnig á William í markinu stóran þátt í þriðja markinu sem gerði út um leikinn. Heilt yfir mjög sanngjarn sigur. Skagamenn fengu færin í dag og voru heilt yfir miklu betri.

Það verður að vera annað mark Skagamanna í dag frekar en það þriðja. Aukaspyrna af löngu færi frá Johannes Vall. Hann tekur skotið í markmannshornið og inn fer boltinn. Svona mark á eiginlega ekki að sjást í efstu deild.

Skagamenn taka þrjú stig í dag og eru þá komin með 9 stig á töfluna en Vestramenn tapa sínum öðrum leik í röð.

Án efa William Eskelinen. Gerir sig sekan um tvö risamistök í mörkum tvö og þrjú í dag. Davíð Smári lét hann heyra það hressilega eftir annað markið. Alls ekki hans dagur og bara hreinlega heppinn að hafa ekki gefið Skagamönnum fleiri mörk í dag.

Frábær leikur hjá dómararteymin í dag fannst mér. Ekki neitt hægt að setja út á þá og bara heilt yfir frábærlega dæmdur leikur.