Rýnt í liðin Athyglisvert að sjá Aron Snær Friðriksson markvörð Njarðvíkinga í Liðsstjórn í dag en ekki í liðinu. Aron Snær hefur verið einn besti markvörður deildarinnar í sumar og svo sannarlega blóðtaka fyrir heimamenn að hann skuli ekki vera með. Sama skapi tækifæri fyrir Daða Fannar Reinhardsson að sýna sig og sanna.
Oumar Diouck er í leikbanni og tekur Freysteinn Ingi Guðnason við keflinu í hans fjarveru.

Hjá Gróttu má sjá Arnar Þór Helgason koma aftur inn í liðið frá síðasta leik. Pétur Theódór Árnason er ekki á skýrslu sýnist mér en það vantar þó eitt nafn í byrjunarlið Gróttu svo það er ekki útilokað að það sé nafn Péturs. Alex Bergmann Arnarsson er á bekknum hjá Gróttu en hann er fyrrum leikmaður Njarðvíkur og kom til félagsins frá Njarðvík fyrir þetta tímabil.

Boð og bönn Oumar Diouck er í banni hjá heimamönnum í kvöld vegna uppsafnaðara spjalda og sömu sögu er að segja af Grími Inga Jakobssyni hjá Gróttu.

Spámaður umferðarinnar Guðmundur Magnússon, sóknarmaður Fram, spáir í leikina sem eru framundan í 19. umferðinni.

Njarðvík 3 - 1 Grótta
Mikilvægur leikur fyrir bæði lið. Njarðvik þarf nauðsynlega á sigri að halda til að halda sér í úrslitakeppnissæti. Magnað starf sem Gunnar Heiðar hefur unnið í Njarðvík og er að sanna sig sem hörku þjálfari. Grótta í brasi, komnir með nýjan stjóra í brúnna. Igor á eftir að vinna gott starf fyrir Gróttu en því miður tapa þeir þessum leik. Omar Diouck með 2 og Indriði Áki með mörkin fyrir Njarðvík og Pétur Theódór með mark Gróttu.

Njarðvík Njarðvíkingar byrjuðu mótið frábærlega og hafa haldið sig í umspilsbaráttunni alveg frá fyrsta degi. Njarðvíkingar sitja í 4.sæti deildarinnar fyrir þessa umferð en það er stutt í liðin sem eru í baráttunni um að komast í umspilið. Aðeins eitt stig skilur að 4.-6.sætið en 6.sætið er út úr umspilinu svo það er til mikils að vinna.

Það er kominn rúmlega mánuður síðan Njarðvíkingar hrósuðu síðast sigri í deildinni en þeir hafa gert fjögur jafntefli og tapað einum frá því þeir unnu síðast um miðjan júlí mánuð svo heimamenn þyrstir í sigur og þá sérstaklega núna þegar lítið er eftir og hvert stig skiptir máli.

Njarðvíkingar hafa verið öflugir fyrir framan markið í sumar og skorað 30 mörk, aðeins ÍBV sker sig úr í þeim flokki og eru langefstir með 39 mörk skoruð. Njarðvíkingar hafa verið öflugir tilbaka líka og aðeins fengið á sig 23 mörk sem gera plús sjö í markatölu.

Mörk Njarðvíkinga hafa skorað:

Dominik Radic - 11 mörk
Oumar Diouck - 7 mörk
Kaj Leo Í Bartalstovu - 4 mörk
Kenneth Hogg - 2 mörk
Arnar Helgi Magnússon - 3 mörk
*Aðrir minna

Grótta Grótta hefur ekki vegnað vel í sumar og sitja á botni deildarinnar með 13 stig. Grótta er einnig eina liðið í deildinni sem á eftir að sigra á útivelli í sumar. Allir þrír sigurleikir þeirra á tímabilinu hafa komið á Vivaldi vellinum á Seltjarnarnesinu.



Grótta er búið að ráða nýjan þjálfara eftir að þeir létu Chris Brazell fara eftir 15.umferðina. Igor Bjarni er búin að stýra einum leik frá því hann tók við en það var tapleikur gegn ÍBV í síðustu umferð sem fór 2-1 í Vestmannaeyjum.

Þrátt fyrir að vera á botni deildarinnar hafa Gróttumenn alveg skorað mörk í sumar. Þeir hafa skorað 27 mörk sem er meira en t.d. ÍR (25) sem sitja í 5.sætinu en vandræði Gróttu eru aftast á vellinum en þeir hafa fengið á sig langflest mörkin í sumar eða 44 talsins sem gera markatöluna mínus sautján.

Mörk Gróttu hafa skorað:

Pétur Theódór Árnason - 5 mörk
Damian Timan - 4 mörk
Arnar Daníel Aðalsteinsson - 4 mörk
Kristofer Orri Pétursson - 3 mörk
Gabríel Hrannar Eyjólfsson - 3 mörk
Tómas Orri Róbertsson - 2 mörk
*Aðrir minna

Dómarateymið Sveinn Arnarsson fær það verkefni að halda utan um flautuna hér í dag og honum til aðstoðar verða Ronnarong Wongmahadthai og Magnús Garðarsson.
Eftirlitsmaður KSÍ er svo Sigurður Hannesson.

Heil og sæl! Verið hjartanlega velkomin í þessa þráðbeinu textalýsingu frá Rafholtsvellinum í Njarðvík þar sem heimamenn í Njarðvík taka á móti Gróttu í 19.umferð Lengjudeildarinnar.