Gulli Gull er heiðraður fyrir leik en hann skrifaði undir 1 árs samning á 43 ára afmælisdegi sínum, þvílíkur maður!

Byrjunarliðin er komin og þar ber helst að nefna að Thomas Mikkelsen er mættur beint í byrjunarliðið hjá Blikum en hann fékk leikheimild í gær og Sveinn Aron sest því á bekkinn.

Fjölnismenn gera tvær breytingar, Valmir Berisha var hörmulegur á Akureyri í síðasta leik og fer á bekkinn ásamt Igor Jugovic. Inn í þeirra stað koma Hans Viktor og Torfi Tímoteus.

Spámaður kvöldsins er fyrrverandi leikmaður Breiðabliks og núverandi markaðsstjóri þeirra, Blöndælingurinn Sigmar Ingi Sigurðarson. Simmi er að sjálfsögðu bjartsýnn og spáir sigri sinna manna:
,,Ég spái leiknum 2-0 fyrir Blikum. Fyrra markið mun koma eftir fast leikatriði þar sem Yeoman finnur pönnuna á nýjasta leikmanni liðsins Thomasi Mikkelsen. Seinna markið mun Aron Bjarnason skora í vel útfærðri skyndisókn eftir gullsendingu frá Gísla Eyjólfssyni."

Breiðablik eru í 3.sætinu með 19 stig og með sigri í dag minnka þeir bilið í Val og Stjörnuna í þrjú stig. Vinni þeir í dag eru þeir vel inni í toppbaráttunni en það gæti reynst erfitt ef þeir tapa. Fjölnir eru í 10.sætinu með 12 stig, einu meira en Fylkis liðið sem er i fallsæti svo þeir þurfa öll þau stig sem eru í boði ætli þeir sér að halda sér uppi.

Breiðablik hafa ekki skorað fótboltamark í Júlí en þeir gerðu 0-0 jafntefli við ÍBV og KA í síðustu tveimur umferðum. Thomas Mikkelsen nýji framherji þeirra er hins vegar kominn með leikheimild og gaman að sjá hvort hann skori strax í fyrsta leik og komi Blikunum á markaslóðina á ný.

Fjölnir hafa ekki riðið feitum hesti í sumar eftir agætis byrjun þá hafa þeir aðeins unnið 1 af síðustu 6 leikjum og tapað hinum 5. Þar á meðal duttu þeir ut á heimavelli í Mjólkurbikarnum gegn Inkassó-liði Þórs.

Góða kvöldið og verið velkomin í beina textalýsingu frá leik Breiðabliks og Fjölnis í 12. Umferð Pepsí-deildar karla á Kópavogsvelli.