Byrjunarliðin eru komin og það er helst að frétta að Páll Olgeir byrjar sinn fyrsta leik fyrir Þrótt eftir að hafa komið frá 3.deildar liði Augnabliks í glugganum. Egill Makan kom einnig á láni frá FH og byrjar sinn fyrsta leik í kvöld.
Magni byrjar með Jón Alfreð sem er á láni frá Stjörnunni og Brynjar Inga í hafsentum þar sem Ívar Örn er farinn til Bandaríkjana og Davíð Rúnar, bróðir Brynjars er meiddur. Siggi Marinó er heldur ekki með og Jakob Hafsteinsson er á miðjunni í stað hans. Þá er Andrés Vilhjálms aðstoðarþjálfari liðsins á varamannabekknum.

Ég held að Þróttur eigi eftir að reynast of stór biti fyrir Magna-menn og vinni þægilegan sigur í kvöld en vonandi skjátlast mér og við fáum hörkuleik.

Þróttur er heitasta lið deildarinnar um þessar mundir og geta vel blandað sér í baráttuna um að komast upp ef þeir spila svona áfram.
Magni geta einnig klárlega haldið sér uppi ef þeir spila eins og undanfarið, með sterkum heimavelli og góðri spilamennsku eru þeir í góðum séns.

Þróttarar eru á góðu skriði síðan Gulli hreinsaði til í glugganum og hafa unnið 4 af síðustu 5 leikjum og ekki tapað síðan 4.júlí.
Magni byrjuðu tímabilið hrottalega illa en hafa nú unnið 2 af síðustu 3 leikjum sínum og geta komið sér úr fallsæti í kvöld en þeir eru jafnir Selfyssingum af stigum í 11.-12.sætinu.

Góða kvöldið og verið velkomin í beina textalýsingu frá leik Þróttar og Magna í 16. umferð Inkassó-deildar karla á Eimskipsvellinum.