Það eru tæpar 10mín í leikinn og liðin farin uppí klefa í lokapepp fyrir þennan stórleik! Enn sem komið er, er mjög slök mæting. Ég ætla rétt að vona að það hrúgist inn á næstu mínútum.

Það eru 25 mín í leik og engin afsökun fyrir að mæta ekki! Það er nánast logn, skýjað og geggjað veður. Skyldumæting!

Bæði lið mætt í upphitun og allt að verða klárt.

Þá fara byrjunarliðin að detta í hús og birtast þau hér til hliðar. Gerum ekki ráð fyrir neinu óvæntu þar. Þó er ljóst að Hörður Ingi verður ekki með ÍA vegna leikbanns.

Dómari kvöldsins er Sigurður Hjörtur Þrastarson og honum til aðstoðar eru Adolf Þ. Andersen og Kristján Már Ólafs. Varadómari er Bryngeir Valdimarsson og það er svo Ingi Jónsson sem ætlar að hafa eftirlit með þessu öllu saman.

Ég vil hvetja alla, jafnt Skagamenn sem HK-inga já og bara alla hina að mæta á völlinn í kvöld. Þetta verður magnaður fótboltaleikur tveggja frábærra liða.

Leifur Andri Leifsson fyrirliða HK er einnig spenntur fyrir leiknum þá hann líti ekki á hann sem neinn úrslitaleik.

"Þetta er mjög spennandi leikur, tvö efstu liðin að mætast og mikið að vinna en samt sem áður enginn úrslitaleikur þannig við tæklum þetta eins og alla aðra leiki" sagði Leifur við Fótbolta.net

Leifur segir einnig að það verði gaman að hitta fyrrum þjálfara og félaga frá síðasta sumri en eins og allir vita þjálfaði Jói Kalli núverandi þjálfari ÍA lið HK í fyrra.

"Það er enginn auka spenna en það er alltaf gaman að mæta gömlum félögum. Við HK-ingar berum mikla virðingu fyrir Jóa og því sem hann hefur gert, það verður gaman að hitta þá," sagði Leifur að lokum.

Viðtalið má lesa í heild sinni hér

Árni Snær Óafsson fyrirliði Skagamann er spenntur fyrir leiknum í kvöld.

"Mér líst mjög vel á hann. Það er skemmtilegast að spila þessa stóru leiki og mikil tilhlökkun í hópnum" sagði Árni við Fótbolta.net

Hann segir að það sé góð stemmning á Skaganum fyrir leiknum í kvöld og lokasprettinum í Inkasso.

"Hún er bara mjög góð eins og alltaf hérna á Skaganum, sérstaklega þegar vel gengur. Þá finnur maður hvað margir fylgjast með þessu og styðja okkur, bara að ná að klára tímabilið vel þá fara allir inn í veturinn í góðri stemmningu," sagði Árni að lokum.

Viðtalið má lesa í heild sinni hér

Þetta er ekki eini leikur dagsins í Inkasso deildinni því á sama tíma og þessi leikur er mætast Leiknir R og Víkingur Ó í Breiðholtinu þar sem bæði lið þurfa sigur.

Umferðin hófst hins vegar í gær með þremur leikjum. Njarðvík og ÍR skildu jöfn 1-1 suður með sjó í miklum fallslag. Haukar unnu Framara í Hafnarfirði 2-1 og lyftu sér þar með uppúr fallsæti. Magnamenn gerðu svo góða ferð hinu megin við Eyjafjörðinn og náðu í gott stig á móti Þór Ak. þrátt fyrir að vera manni færri allan seinni hálfleikinn.

Umferðinni lýkur svo á morgun þegar Selfyssingar heimsækja sjóðandi heita Þróttara í Laugardalinn.

Liðin hafa mæst alls 19 sinnum í keppnum á vegum KSÍ og þar hafa Skagamenn haft betur en þeir hafa unnið 9 leiki, HK hefur unnið 7 og 3 leiki hafa endað með jafntefli. Skagamenn hafa skorað 33 mörk í þessum leikjum og HK 16 mörk.

Liðin mættust í 13.júní í fyrri umferðinni í Kórnum í leik sem endaði 0-0. Undirritaður getur staðfest að það er einn skemmtilegasti 0-0 leikur sem hefur verið spilaður og í rauninni rannsóknarefni hvernig það kom ekki mark í þann leik. Ég fullyrði að þessi leikur fer ekki 0-0! Bæði lið vilja vinna til að koma sér í þægilega stöðu fyrir síðustu fjóra leikina!

HK-ingar hafa líka verið gríðarlega öflugir í sumar og hafa einungis tapað einum leik en það var einmitt á móti áðurnefndum Þrótti R. 9.ágúst. Þeir eru bara stigi á eftir ÍA og fara að sjálfsögðu á toppinn með sigri og fara langleiðina uppí Pepsi. Þetta verðu rosalegur leikur!

Skagamenn sitja á toppi deildarinnar með 39 stig og hafa verið á mikilli siglingu og hafa unnið fimm leiki í röð eftir smá hikst um miðbik móts þar sem þeir töpuðu meðal annars sannfærandi fyrir Þrótti R. og gerðu jafntefli við Leikni R. Sigur hjá Skagamönnum í dag fer langt með að fleyta þeim upp, ég fullyrði það.

Það er enginn smá leikur sem við fáum á þessu föstudagskvöldi, ÍA-HK. Toppliðin í Inkasso-deildinni þetta árið og hafa bæði lið verið líkleg frá upphafi móts til að fara í Pepsi 2019.

Heilir og sælir kæru lesendur .net og velkominn í beina textalýsingu frá Norðurálsvellinum á Akranesi.