Augnablik er brjálað út í dómarann og endar dómarinn á að gefa aðila á bekk Augnabliks rautt spjald, ekki sá ég hver það er en það virðist ekki hafa verið leikmaður.

Murielle nýtur allan þann styrk sem hún hefur og fiskar aukaspyrnu við hornfánan.

Tindastóll tekur allan þann tíma sem þær geta í þessa aukaspyrnu.

Augbablik á hornspyrnu sem Lauren nær í annari tilraun.

Tíminn er að renna út fyrir Augnablikskonur.

Tindastóll vinnur hornspyrnu og taka þær sér tíma að taka hana.

Ekkert verður úr spyrnunni hinsvegar.

Sandra á góða fyrirgjöf en Lauren slær boltann vel frá og kemst Tindastóll í skyndisókn.

Tindastóll vinnur hornspyrnu.

Augnablik vill fá vítaspyrnu. Það virðist vera brotið á Ástu. Línuvörðurinn virðist flagga en dómarinn segir að það hafi ekkert verið á þetta. Stuðningsmenn og leikmenn Augnabliks virkilega ósáttir. Frá mínu sjónarhorni virtust Tindastól konur vera virkilega heoonar að fá ekki á sig dæmt vítaspyrnu.

Augnablik á virkilega góða sókn en Tindastóll verst virkilega vel.
Það er ótrúlegt að Augnablik sé ekki búið að nýta eitthvað af þessum færum sem þær eru búnar að fá.

Helga Marie á geggjaða sendingu inn fyrir vörn Tindastóls og á Fanney sem er komin ein á móti Lauren en Lauren lokar virkilega vel á Fanney.

Sandra Sif með hornspyrnu á nærstöng þar er Valdís og á hún fínt skot sem endar í stönginni. Það liggur mark í loftinu.

Bergþóra á skiot fyrir utan teig en Lauren er ekki í neinum vandræðum með þetta.
Augnablik er að gera sig líklegar.

Sandra Sif á lúmskt skot langt utan af velli sem endar í slánni. Held að nánast enginn á vellinum hafi búist við þessu þá sérstaklega Sandra sem var byrjuð að svekkja sig verulega á misheppnuðu skoti.

Þar sem Augnablik er mjög framalega geta Tindastóll komið í skyndisóknir.
Murielle á góðan sprett og sendir hann svo inn í á Vigdísi en hún þrumar honum yfir.

Augnablik stúlkur koma virkilega sterkar út í seinni hálfleik. Þær ætla sér greinilega ekki að tapa þessum leik.

Augnablik fær aukaspyrnu á ákjósanlegum stað. Bergþóra tók spyrnuna en fór hún vel yfir.

Ásta tekur góðan sprett upp hægri kantinn og setur boltann inn í en þar er engin liðsfélagi hennar

Murielle kemst ein í gegn en skýtur framhjá. Ekki oft sem maður sér hana klúðra færi.

Frábær sókn hjá Augnabliki! Fanney tekur góðan snúning á miðjunni og kemur með frábæra sendingu inn fyrir vörn Tindastóls á Helgu sem á skot sem fer í Lauren og þaðan berst boltinn á Rebekku sem skýtur framhjá úr dauðafæri.

Vigdís vinnur aukaspyrnu við miðlínuna og Jacqueline tekur spyrnuna, boltinn bert út úr teignum og þar vinnur Tindastóll aðra aukaspyrnu sem Jacqueline tekur aftur en er spyrnan beint í fangið á Telmu.

Vigdís tekur gott hlaup bak við vörn Augnabliks og fer inn á teigin, þar klobbar hún Valdísi en Telma lokar markinu afar vel.

Við skiptinguna hjá Augnabliki virðast þær vera komnar í fimm manna varnalínu þar sem Ásta og Rebekka eru kantbakverðir.

Ásta á aftur geggjaðan sprett og kemur boltanum fyrir á Fanneyju Einarsdóttur en Lauren lokar virkilega vel í marki Tindastóls.

Þetta mark kom pínu eins og þruma úr heiðskýru lofti þar sem Augnablik voru búnar að liggja á Tindastóli í smá tíma en Tindastólsstelpur eru afar sterkar fram á við og þurfa bara eitt færi.

Góð fyrirgjöf úr hægri bakverði Augnabliks en það er vandræðagangur í vörn Tindastóls og endar boltinn í hornspyrnu sem verður ekkert úr.
Augnabliks stelpurnar eru ekki alveg að ná að nýta föstu leikatriðin nógu vel.

Bergþóra tekur góðan sprett og vinnur aukaspyrnu fyrir Augnablik á miðjum vallarhelming Tindastóls.
Sandra Sif ákveður að skjóta úr aukaspyrnunni en fer hún framhjá. Ekki mikil hætta þar á ferð.

Vel gert hjá Murielle! Tekur góðan sprett upp kantinn, notar líkaman vel til að skýla boltanum og vinnur hornspyrnu. Ekkert varð úr þeirri spyrnu.
Tindastóll að vakna

Jacqueline kemur með góða fyrirgjöf inn á teig Augnabliks en það vantaði nokkra sentimetra upp á það að Vigdís nái að skalla boltann.

Ásta kemur með hættulegan bolta inn á teigin en Helga Marie nær ekki að reka stóru tánna í boltann,

Augnablik eru að verða líklegri og líklegri.

Sandra Sif með geggjaða aukaspyrnu inn á teig Tindastóls en engin úr Augnablik gerir árás á boltann.

Augnablik fær hornspyrnu. Sandra Sif kemur með góðan bolta inn á teiginn en Ásta skallar framhjá.

Augnablik er farið að halda boltanum betur.

Ekki er mikið að gerast fyrstu mínúturnar, boltinn er mikið í kringum miðjusvæðið. Leikmenn eru ennþá að finna taktinn.

Tindastóll fer í skyndisókn er Telma ver vel í markinhu frá Vigdísi Eddu. Ekki mikil hætta á ferð.