ÍA
1
3
KR
0-1 Pálmi Rafn Pálmason '15 , víti
0-2 Óskar Örn Hauksson '23
0-3 Tobias Thomsen '80
Viktor Jónsson '83 1-3
15.06.2019  -  16:00
Norðurálsvöllurinn
Pepsi Max-deild karla
Dómari: Helgi Mikael Jónasson
Maður leiksins: Óskar Örn Hauksson (KR)
Byrjunarlið:
12. Árni Snær Ólafsson (m)
Einar Logi Einarsson ('56)
Arnór Snær Guðmundsson
2. Hörður Ingi Gunnarsson
3. Óttar Bjarni Guðmundsson (f)
8. Hallur Flosason ('81)
8. Albert Hafsteinsson
9. Viktor Jónsson
10. Steinar Þorsteinsson ('66)
10. Tryggvi Hrafn Haraldsson
93. Marcus Johansson

Varamenn:
1. Aron Bjarki Kristjánsson (m)
2. Þórður Þorsteinn Þórðarson ('81)
6. Jón Gísli Eyland Gíslason
16. Brynjar Snær Pálsson
17. Gonzalo Zamorano ('56)
19. Bjarki Steinn Bjarkason ('66)
20. Sigurður Hrannar Þorsteinsson

Liðsstjórn:
Jóhannes Karl Guðjónsson (Þ)
Anna Sólveig Smáradóttir
Hlini Baldursson
Daníel Þór Heimisson
Sigurður Jónsson
Kjartan Guðbrandsson

Gul spjöld:
Einar Logi Einarsson ('31)
Marcus Johansson ('61)
Hörður Ingi Gunnarsson ('65)

Rauð spjöld:
Leik lokið!
Helgi Mikael hefur flautað af, KR er á toppnum í Pepsi Max deildinni!

Viðtöl og skýrsla á leiðinni.
94. mín
DAAAAUUUÐAFÆRI!!!

Langur bolti frá Skagamönnum inná teig KR, Marcus vinnur fyrsta skallann og boltinn fellur beint fyrir Viktor Jóns á markteignum sem setur boltann yfir!!!

Þarna átti Viktor að minnka muninn.
93. mín
Inn:Ástbjörn Þórðarson (KR) Út:Atli Sigurjónsson (KR)
92. mín
Aftur fara þeir að halda og Atli rennur og missir boltann í markspyrnu.
91. mín
Arnór Snær ætlar að senda til baka á Árna Snæ en hann á afleita spyrnu beint í horn!

Atli Sig tekur spyrnuna.

Alex Freyr fer að nýta styrkinn og heldur og sækir annað horn.
90. mín
Fjórum mínútum bætt við!
88. mín
Skaginn fær innkast, væntanlega langt frá Hödda.

Kiddi Jóns bombar burt.
87. mín
Tryggvi Hrafn tekur hornspyrnu fyrir Skagamenn sem fá færi en boltinn í mikilli þvögu og lekur svo framhjá markinu!
87. mín
Inn:Ægir Jarl Jónasson (KR) Út:Tobias Thomsen (KR)
86. mín
Frábært spil hjá KR uppúr horninu!!

Óskar og Pablo spila sig í gegnum alla ÍA vörnina, svo vippar Pablo boltanum á fjær en Tobias skallar yfir úr góðu færi!
85. mín
KR-ingar fá hornspyrnu, Atli joggar út í horn til að taka þetta.

Tekið stutt, frábært spil hjá KR og fyrirgjöf en KR fær annað horn.
83. mín MARK!
Viktor Jónsson (ÍA)
Stoðsending: Þórður Þorsteinn Þórðarson
MAAAAARK!!

ÞÞÞ sendir draumabolta inn á teiginn á fjær þar sem Viktor Jóns mætir og stangar boltann í slánna, stöngina, í Beiti og inn!

Getur Skaginn fengið eitthvað útúr þessum leik?
82. mín
ÞÞÞ sækir hér hornspyrnu sem Tryggvi Hrafn tekur.

Fallhlífarbolti sem KR-ingar koma frá.
81. mín
Inn:Þórður Þorsteinn Þórðarson (ÍA) Út:Hallur Flosason (ÍA)
81. mín
Inn:Pablo Punyed (KR) Út:Arnþór Ingi Kristinsson (KR)
80. mín MARK!
Tobias Thomsen (KR)
Stoðsending: Óskar Örn Hauksson
MAAAAARK!!!

Það hlaut að koma að því! - Pálmi Rafn sendir boltann í gegn á Óskar, sem keyrir inn á teiginn og leggur boltann svo út á Tobias Thomsen sem loksins skorar!

Snyrtilega gert.
78. mín
ÓSKAR ÖRN HAUKSSON

TOBIAS THOMSEN

HVAÐ ER Í GANGI?!?!?

Óskar Örn tekur aukaspyrnuna og bombar í stöngina, boltinn hrekkur óvænt til Tobias sem heldur næstum í stöngina en setur boltann framhjá!!!
77. mín
ÓSKAR ÖRN! - Sólar hvern Skagamanninn á fætur öðrum í leið að teignum og þeir brjóta á honum svona 40 sentímetra frá vítateigslínunni, inní D boganum.

Það standa fjórir yfir boltanum, þetta er dauðafæri.
74. mín
VÁ! - Hvað er í gangi.

Það kemur langur bolti á Tobias, og Árni Snær kemur á ferðinni og kung fu sparkar boltanum með sólanum beint fyrir framan nefið á Tobias sem hendir sér niður.

Árni snertir ekki Tobias en þetta á klárlega að vera hættuspark og hugsanlega spjald á Árna, þetta var stórhættulegt!

Helgi Mikael dæmir hinsvegar ekki neitt og það verður allt vitlaust.
72. mín
DAUÐAFÆRI!!!

Þvílík sending frá Atla yfir til vinstra á Óskar sem er 1v1 á Hall Flosa og fer framhjá honum, inn á teiginn og þar er Tobias mættur með Óskar sem fær boltann fyrir opnu marki en Tobias tekur skotið í bakið á Óttari Bjarna sem kom á harðaspretti!

Þarna verður Tobias bara að skora til að drepa leikinn.
67. mín
FÆRI!

Höddi hengir boltann upp í loftið inná teig KR-inga og Hallur hoppar manna hæst og stangar boltann, rétt framhjá!
66. mín
Inn:Bjarki Steinn Bjarkason (ÍA) Út:Steinar Þorsteinsson (ÍA)
65. mín
Spyrnan frá Atla fín inn á teiginn en boltinn hrekkur út og Atli BOMBAR á markið en Árni grípur.
65. mín Gult spjald: Hörður Ingi Gunnarsson (ÍA)
Alex Freyr enn eina ferðina straujaður!

Hann var að sleppa í gegn upp hægra megin og Höddi fer aftan í hann og tekur hann niður.
62. mín
Kominn smá hraði í þetta, innkast fyrir Skagamenn uppi hægra megin og nú skokkar Höddi yfir.

Pálmo skallar frá!
61. mín Gult spjald: Marcus Johansson (ÍA)
Marcus bombar Alex Frey niður hérna og fær spjaldið, ef að Marcus hefði ekki brotið þarna hefði Alex komist í ansi vænlega stöðu.
60. mín
Færi!

Höddi með langt innkast og Gonzi nær skoti í snúningnum en það er laust og Beitir ekki í neinum vandræðum.
59. mín
Steinar lúðrar boltanum hérna upp á Tryggva sem er í 1v1 stöðu gegn Finni Tómas, en Finnur gerir hrikalega vel og leysir þetta.
56. mín
Inn:Gonzalo Zamorano (ÍA) Út:Einar Logi Einarsson (ÍA)
Sóknarskipting hjá Skagamönnum.
53. mín
FRÁBÆR SKYNDISÓKN HJÁ KR!

Atli fær boltann fyrir utan teiginn og keyrir einn gegn tveimur Skagamönnum, fer utan á þá og endar svo með því að hann sparkar boltanum öðru megin við Tryggva og ætlar að hlaupa hinumegin en dettur og Helgi dæmir ekki neitt, Rúnar Kristins er brjálaður að fá ekki aukaspyrnu þarna!

Kiddi Jóns var kominn upp með Atla og svo var Árni allan tímann framarlega, Atli hefði oft getað tekið skotið.
53. mín
Albert vinnur boltann af Arnþóri Inga og sendir á Viktor Jóns sem reynir að senda Albert svo í gegn en Finnur kemur boltanum í innkast.
50. mín
Atli Sigurjóns vinnur boltann af Marcus á vallarhelming ÍA og kemur boltanum á Tobias sem er í færi en er dæmdur rangstæður!
47. mín
Skagamenn byrja á að sækja og fá innkast í vinstra horninu.

Langt kast frá Hödda en Pálmi skallar frá.
46. mín
Þetta er komið í gang aftur!

Ný byrjar KR.
45. mín
Hálfleikur
Helgi Mikael flautar til hálfleiks.
42. mín
FÆRI!!!

Spyrnan er föst á fjær, Arnór Sveinn nær að skalla boltann aftur fyrir markið og þar mætir Alex Freyr og skallar boltann en beint á Árna Snæ!

Þarna hefði Alex Freyr getað komið KR í 3-0!
42. mín
Arnór Sveinn sólar sig upp hægri kantinn og fær horn.

Atli tekur spyrnuna.
40. mín
Spyrnan slök hjá Atla þarna, Skagamenn skalla í innkast.
39. mín
ATLI SIGURJÓNS!!!

Atli fær boltann inn á teiginn og nær að snúa, Einar Logi togar í hann og Atli dettur en ekkert dæmt, KR fær hornspyrnu.
38. mín
Núna kemur Atli með fallhlífarbolta á fjær og Óskar er þar en nær ekki að gera sér mat úr þessu.
37. mín
Frábær útfærsla, Atli sendir á Kidda, fær hann aftur og tekur hann fast utanfótar inn á teiginn en Skagamenn skalla í horn hinumegin.
37. mín
Óskar fer utan á Hall Flosa og reynir fyrirgjöf en fær hornspyrnu.

Atli ætlar að taka þessa spyrnu.
35. mín
KR-ingar spila þétt og eru að éta þessar lélegu sendingar frá Skagamönnum í gegnum miðjuna og keyra á vörnina.

Núna vinnur Alex Freyr boltann og finnur Pálma sem sendir á Óskar sem bombar á markið en boltinn yfir.
33. mín
ÓSKAR bombar í vegginn, þessi hefði rifið netið ef hann hefði ekki farið í Steinar í veggnum.
32. mín
Atli tekur spyrnuna sem Skagamenn skalla frá en Pálmi Rafn sækir aðra aukaspyrnu svona 12 metra fyrir utan teiginn, þetta er skotfæri fyrir KR.

Marcus fær tiltal fyrir þessa tæklingu.
31. mín Gult spjald: Einar Logi Einarsson (ÍA)
Frábærlega gert hjá Atla!

Hann fær sendingu í gegnum miðjuna hjá ÍA og er að keyra á vörn Skagamanna við miðju og Einar Logi brýtur á honum.
30. mín
KR nær að byggja upp sókn hérna og Alex Freyr kemst á ferðina frá miðjunni og upp hægra megin, sendir boltann á Atla sem fer inn völlinn á vinstri fótinn og tekur skotið en það fer í hliðarnetið.
27. mín
Skagamenn koma með hrikalega flotta pressu, Albert vinnur boltann á vallarhelming KR og sendir boltann út á Hödda sem hefur tíma úti vinstra megin, fyrirgjöfin frá Hödda er flott beint í svæðið milli varnarlínu og markmanns en þar eru Tryggvi, Viktor og Steinar á leiðinni en ekki mættir.

Þetta var alvöru séns fyrir Skagamenn!
25. mín
Arnþór Ingi reynir hér skot frá miðju, en það fer yfir.

Árni var ekkert að stressa sig á þessu.
23. mín MARK!
Óskar Örn Hauksson (KR)
MAAARK!!!

Frábær sókn hjá KR-ingum, þeir spila sig upp hægra megin, Atli Sigurjóns fær boltann rétt fyrir framan miðju og snýr, sendir boltann á Óskar sem er að hlaupa meðfram teignum, kemur sér á hægri og núna skorar hann! - Skotið ekki fast en hnitmiðað í vinstra hornið!

ÍA 0 - 2 KR!
20. mín
VÁ!

Arnór Sveinn bombar boltanum frá hægri og út til vinstri þar sem Óskar tekur fyrstu snertinguna beint framhjá Halli sem er skilinn eftir og Óskar brunar að markinu og reynir skotið með hægri sem var afleitt og fer laflaust og langt framhjá.

Óskar varð æfur og vildi horn, það er gott trix til að láta skotið líta aðeins betur út.
19. mín
Skagamenn fá innkast uppi í vinstra horninu sem Hörður grýtir inn á teiginn eins og hornspyrnu og Marcus skallar framhjá.
15. mín Mark úr víti!
Pálmi Rafn Pálmason (KR)
Stoðsending: Kristinn Jónsson
MAAARK!!

Pálmi Rafn sendir boltann í hægra hornið og Árni í vitlaust horn.

KR-ingar komnir yfir í toppslagnum.
14. mín
KR FÆR VÍTI!!!

Óskar sendir svakalega sendingu milli varnarmanna Skagamanna í hlaupið hjá Kidda Jóns sem keyrir inn á teiginn og fær víti.

Klaufalegt brot hjá Óttari Bjarna sýndist mér.
11. mín Gult spjald: Alex Freyr Hilmarsson (KR)
Alex kemur aðeins of seint hérna inn í Einar Loga, uppsker gult að launum.
11. mín
Óttar Bjarni reynir að negla boltanum upp í vinstra hornið en þetta endaði sem frábær sending í lappir á Rúnari Kristins.
8. mín
Hann neglir boltanum fast niðri á Óttar sem lyftir boltanum svo í átt að markinu en ofan á þaknetið.
8. mín
Langur bolti upp vinstra hornið á Hödda sem sækir hornspyrnu.

Tryggvi tekur hana að sjálfssögðu.
7. mín
Óskar Hrafn reynir að keyra í gegnum þrjá Skagamenn í átt að teignum en tapar boltanum sem rennur fyrir fætur Pálma sem tekur skotið í fyrsta en boltinn fer næstum yfir Akraneshöllina.
5. mín
VÁ!

Boltinn fer í gegnum pakkann og hrekkur af Finni Tómas og í hendurnar á Beiti, hefði getað orðið hættulegra.

Flottur bolti frá Tryggva.
4. mín
Atli Sigurjóns brýtur klaufalega á Alberti úti vinstra megin, Tryggvi Hrafn ætlar að taka þessa spyrnu.
2. mín
Hornspyrnan frá Tryggva ekki merkileg og Skagamaður flikkar boltann yfir alla og í innkast.
2. mín
TRYGGVI HRAFN!!

Frábær spyrna upp í nærhornið en Beitir rétt nær að verja þetta!

Skagamenn fá horn.
1. mín
Skagamenn byrja á að lúðra boltanum upp og Arnór Snær fer í tæklingu og er tæklaður sömuleiðis af Arnþóri Inga rétt fyrir utan teiginn.

Þetta er dauðafæri fyrir Tryggva Hrafn!
1. mín
Leikur hafinn
Þetta er farið af stað!

Fyrstu spyrnu leiksins tekur Viktor Jóns og sækja heimamenn í átt að Galito.
Fyrir leik
Það er allt klárt og liðin ganga hér niður rampinn á eftir Helga Mikael og kollegum hans.

Toppslagurinn er að besta á!
Fyrir leik
Liðin eru að ljúka upphitun, það er orðið skýjað og þokkalegur vindur.

Það er stanslaust streymi á völlinn, bæði af gulum og svarthvítum!
Fyrir leik
Byrjunarliðin eru klár hér til hliðar!

Athygli vekur að Stefán Teitur er ekki með, en samkvæmt mínum heimildum er hann veikur.
Arnar Már er í banni þannig það er alveg ný miðja í boði hjá Skagamönnum í dag.

Einnig er Skúli Jón mættur á varamannabekk KR.
Fyrir leik
Þessi lið hafa mæst í heildina 138 sinnum og deila þau sigrunum bróðurlega á milli sín.
ÍA hefur unnið 55 sinnum, 28 leikir hafa endað jafntefli og KR hefur unnið 55 sinnum.

Ef við skoðum bara viðureignir í efstu deild þá eru Skagamenn með aðeins betri tölfræði eða:
ÍA 45 sigrar, 28 jaftnefli og KR 37 sigrar.

Ef við köfum ennþá dýpra og skoðum bara viðureignir spilaðar uppá Skaga í efstu deild skiptist þetta svona:
ÍA sigrar 24, jafntefli 14 og KR sigrar 14.
Fyrir leik
Tryggvi Hrafn var valinn besti leikmaður fyrsta þriðjungs og vann Sony heyrnatól í verðlaun, það verður gaman að sjá hvernig hann byrjar þennan þriðjung.
Fyrir leik
Það er bara basic dagur á Floridaskaganum, 15°c og sól.
Fyrir leik
Þetta er sannkallaður toppslagur í Pepsi Max deildinni!

Það lið sem vinnur þennan leik tyllir sér á topp deildarinnar, Blikar töpuðu í gær.

Skagamönnum dugar jafntefli til að ná toppsætinu, en þeir koma sér í ansi góða stöðu með sigri.
Fyrir leik
Góðan daginn gott fólk og verið velkomin í beina textalýsingu frá leik ÍA og KR!
Byrjunarlið:
1. Beitir Ólafsson (m)
Pálmi Rafn Pálmason
4. Arnþór Ingi Kristinsson ('81)
5. Arnór Sveinn Aðalsteinsson
6. Gunnar Þór Gunnarsson
7. Finnur Tómas Pálmason
7. Tobias Thomsen ('87)
17. Alex Freyr Hilmarsson
19. Kristinn Jónsson
22. Óskar Örn Hauksson (f)
23. Atli Sigurjónsson ('93)

Varamenn:
13. Sindri Snær Jensson (m)
3. Ástbjörn Þórðarson ('93)
7. Skúli Jón Friðgeirsson
14. Ægir Jarl Jónasson ('87)
16. Pablo Punyed ('81)
18. Aron Bjarki Jósepsson
28. Valdimar Daði Sævarsson

Liðsstjórn:
Rúnar Kristinsson (Þ)
Valgeir Viðarsson
Jón Hafsteinn Hannesson
Bjarni Eggerts Guðjónsson
Kristján Finnbogi Finnbogason
Friðgeir Bergsteinsson

Gul spjöld:
Alex Freyr Hilmarsson ('11)

Rauð spjöld: