Liðin eru komin inná völlinn og þjóðsöngur Andorra er búinn. Nú hefst þjóðsöngur okkar Íslendinga.

Ingó Veðurguð lætur sig ekki vanta, það er ekki landsleikur án Ingó að syngja fyrir okkur. Hann byrjar á Stolt siglir fleyið mitt.

Andorra vann langþráðan sigur í undankeppni EM á föstudagskvöld þegar liðið lagði Moldóvu 1-0 á heimavelli. Andorra hafði fyrir þennan leik tapað öllum 56 leikjum sínum í undankeppni EM frá upphafi!

Þrátt fyrir sigurinn á föstudag þá eru nokkrar breytingar á liði Andorra í dag. Íslandsvinurinn Idelfons Lima er þó á sínum stað í vörninni en þessi 39 ára gamli varnarmaður er fyrirliði Andorra.

Marc Vales, sem skoraði sigurmarkið gegn Andorra, er á miðjunni en hann leikur með Sandefjord í Noregi.

Nokkrir leikmenn í liðinu spila með Santa Coloma sem er meistari í Andorra. Santa Coloma tapaði gegn Val í Meistaradeidlinni í fyrra.

Aðrir leikmenn eru margir í neðri deildunum á Spáni. Þar af eru leikmenn sem spila með FC Andorra í spænsku C-deildinni. Liðið hoppaði úr E-deildinni upp í C-deildina í sumar en Gerard Pique, varnarmaður Barcelona keypti félagið og keypti sæti í spænsku C-deildinni.

Þrjár breytingar á byrjunarliðinu síðan gegn Frakklandi. Arnór Sigurðsson, Alfreð Finnbogason og Jón Guðni Fjóluson koma inn. Jón Guðni leysir Kára Árnason af í vörninni. Rúnar Már Sigurjónsson og Jóhann Berg Guðmundsson eru meiddir og ekki með.

Ísland stillir upp í 4-4-2 í dag með Kolbein Sigþórsson og Alfreð Finnbogason í fremstu víglínu. Arnór Sigurðsson kemur inn í byrjunarliðið á hægri kantinn og Arnór Ingvi Traustason er vinstar megin. Gylfi Þór Sigurðsson og Birkir Bjarnason eru saman á miðjunni.

Koldo Álvarez, þjálfari Andorra

"Á morgun fáum við tækifæri til að halda áfram með okkar vegferð, við unnum síðasta leik gegn Moldovíu og höfum trú á að við getum náð í jákvæð úrslit. Ísland mun stjórna leiknum og halda boltanum í 90 mínútur en við vitum að ef við leggjum hart að okkur og nýtum tækifærin okkar getur allt gerst."

"Við erum í vandræðum á miðsvæðinu en við eigum von á miklum baráttuleik, við þurfum að stýra leiknum í önnur svæði á vellinum og við finnum vonandi leiðir til þess."

Ari Freyr:

"Við getum klárlega byggt á þennan leik þó við höfum ekki verið mikið með boltann. Þessi barátta og þessi liðheild getur komið okkur langt - hún hefur gert það áður."

"Það sem við höfum gert síðustu sjö árin er að vera þéttir til baka og vinna í skyndisóknum og föstum leikatriðum. Það kom okkur á tvö stórmót og ef allt fellur með okkur núna, ef við höldum áfram með sama viðhorf og við höfðum í dag, þá efast ég ekki um að við förum á EM á næsta ári."

Erik Hamren:
"Eins og sást á úrslitum þeirra gegn Frökkum og Tyrklandi þá er erfitt að vinna þá. Við reiknum em ða það verði erfitt að brjóta þá á bak aftur á morgun. Ég er viss um að við séum klárir í slaginn."

"Það eru mikil vonbrigði eftir leikinn gegn Frökkum því að liðið og leikmennirnir verðskulduðu meira þar. Ég finn að þeir eru hungraðir í að vinna leikinn og vonast eftir góðum úrslitum hjá Frökkum (gegn Tyrkjum) svo það ráðist í síðasta landsleikjaglugga ársins hverjir fara á EM."

"Ég hreifst af því hvernig þeir spiluðu í Tyrklandi og Frakklandi og við búumst við erfiðum leik á morgun. Þeir vinna vel sem lið og verjast vel. Það er styrkleiki þeirra. Þeir eru hættulegir í skyndisóknum og í föstum leikatariðum. Ég ber mikla virðingu fyrir Andorra. Þeir gera liðunum sem þeim mæta erfitt fyrir. Við búumst við erfiðum leik á morgun þar sem verður erfitt að skora mörkin sem við þurfum að skora. Þetta er allt öðruvísi leikur en gegn Frökkum en risastór áskorun,"

Alfreð Finnbogason:

"Það eru öðruvísi atriði í undirbúningi fyrir leik á móti Frökkum og Andorra. Andorra hefur að meðaltali verið 25% með boltanns svo við gerum ráð fyrir því að við verðum 70-80% með boltann. Þá reynir á aðra eiginleka í okkar leik. Að það sé tempó í sendingum og við stjórnum tempóinu í leiknum."

"Við megum ekki láta þá fara í hausinn á okkur. Moldóvar misstu hausinn gegn þeim og fengu rautt spjald. Andorra eru sérfræðingar í að pirra andstæðinginn eins og sást í útileiknum. Við sáum á klippum í gær að þetta eru sömu klippur og í mars. Þeir haf ekki breytt um leikstíl."

"Það er alltaf erfitt að spila á móti tíu manna blokk í fótbolta, þegar þeir eru á teignum og eru þéttir. Frakkar og Tyrkir áttu erfitt með að brjóta þá á bak aftur. Við gerum þá kröfur að við klárum svona leiki, komum boltanum inn í teig og klárum þær stöður. Þetta verður þolinmæðisverk en við gerum þær kröfur að við eigum að klára þá á heimavelli."

Íslandsvinurinn Ildefons Lima var spurður út í það á blaðamannafundi í gær hvort hann væri til í að enda ferilinn hér á Íslandi:

"Ég er kannski á Íslandi núna en líf mitt er í Andorra, það hefði verið möguleiki á að spila hér ef ég væri yngri en Ísland er ekki fyrir mig eins og staðan er núna."

"Ísland er mjög vinalegt land, að því leyti eru Ísland og Andorra lík en á morgun er fótboltaleikur sem ég þarf að hugsa um og við viljum vinna."

Kári Árnason:
"Staðan er ekkert svört. Við vissum að það yrði erfitt að sækja stig á móti Frökkum, þetta eru Heimsmeistararnir. Fólk þarf aðeins að átta sig á því að við erum enn í kjörstöðu ef allt fer eins og það á að fara."

"Ef Frakkar vinna Tyrki á Stade de France, þá er það undir okkur komið að vinna Tyrki eins og við oft gert áður."

Sagan er með okkur í liði en Ísland hefur sex sinnum mætt Andorra og unnið alla leikina með markatöluna 16-0. Andorra hefur því aldrei skorað gegn Íslandi, vonandi verður engin breyting þar á í kvöld.

Fyrri leikurinn sem fór fram í Andorra í mars endaði með 0-2 sigri okkar Íslendinga þar sem Birkir Bjarnason og Viðar Örn Kjartansson skoruðu mörkin. Birkir byrjar að öllum líkindum í kvöld, okkar besti maður gegn Frökkum og við erum þunnskipaðir á miðjunni.
Viðar hins vegar er að öllum líkindum á bekknum en hann virðist vera á eftir Alfreði Finnbogasyni, Kolbeini Sigþórssyni og Jóni Daða Böðvarssyni í goggunarröðinni.

Íslenska liðið er búið að tapa tveim leikjum í röð gegn Albaníu úti og 0-1 tap gegn heimsmeisturum Frakka á föstudaginn hér á Laugardalsvelli.

Andorra náði í sín fyrstu stig þegar þeir unnu 1-0 sigur á Moldóva á föstudaginn. Þeir koma því með sjálfstraust í leikinn í kvöld en Íslenska liðið er samt mun sigurstranglegra.

Íslenska liðið þarf að vinna hér í kvöld og treysta á að Frakkar vinni Tyrkina heima og þá eru Íslendingar í fínum séns á að komast í lokakeppni EM 2020.

Staðan í riðlinum:

Tyrkland - 18 stig og 13 mörk í plús
Frakkland - 18 stig og 16 mörk í plús
Ísland - 12 stig og markatalan á núlli
Albanía - 9 stig og markatalan á núlli
Andorra - 3 stig og 13 mörk í mínus
Moldóva - 3 stig og 16 mörk í mínus

Gott kvöld og verið velkomin í beina textalýsingu úr Laugardalnum!

Framundan er viðureign Íslands og Andorra á Laugardalsvelli í undakeppni fyrir EM 2020. Leikurinn hefst 18:45 að staðartíma.

Verið með frá byrjun, takið þátt í umræðunni á samfélagsmiðlum með myllumerkinu #fotboltinet og það er aldrei að vita nema einhverjir vel valdir póstar rati inn í þessa textalýsingu.