Pétur Theódór Árnason fær veglegan blómvönd fyrir þjónustu við Gróttu en hann lék leik númer 100 fyrir Gróttu gegn Breiðablik um liðna helgi.

Stúkan orðin þéttsetin og smá karnivalstemming í loftinu. Greinilegt að heimamenn eru komnir hér í dag til að skemmta sér.

Gefum Gróttuborgaranum solid 8,5 í einkunn. Bragðmikill og matarmikll og bara skrambi góður, Mæli með honum.

Það þarf engin að svelta hér á Vivaldivellinum. Hér stendur heill her manna sveittur við að grilla dýrindisborgara og ekki nóg með það. Gróttumenn eru svo að taka veitingarnar upp um level og eru að baka pizzur ofan í mannskaskapinn sömuleiðis. Ekkert slor það.

Rétt um 30 mín í leik og grillarar Gróttu á fullu. Ef eitthvað mið er tekið af stuðningsmannahópi Gróttu sem mætti í Kópavoginn í 1.umferð þá verður stemming hér í dag. Veðrið með ágætasta móti, skýjað en hlýtt og allar aðstæður til þess að við fáum góðan leik.

Byrjunarliðin eru mætt í hús og við mættir á Vivaldi Völlinn Valsmenn tefla þar fram óbreyttu byrjunarliði frá tapinu gegn KR fyrir viku.

Grótta gerir breytingar. Arnar Þór Helgason tekur út leikbann,Bjarki Leósson er ekki í hóp og Gabríel Hrannar Eyjólfsson fær sér sæti á bekknum. Inn fyrir þá koma þeir Sigurvin Reynisson, Axel Freyr Harðarson og Ástbjörn Þórðarson en allir komu þeir við sögu sem varamann gegn Blikum

Fyrri viðureignir

Það er langt frá í um auðugan garð að gresja í fyrri viðureignum þessara liða. Þrisvar sinnum hafa þau mæst í innanhúsfótbolta samkvæmt tölfræðigrunni KSÍ. Svo þetta er fyrsta viðureign þeirra á milli frá upphafi í utanhúsknattspyrnu.

Grótta fór í heimsókn á Kópavogsvöll í frumraun sinni í Pepsi Max deildinni. Það verður seint sagt að það hafi verið fræðgarför en lokatölur leiksins urðu 3-0 Breiðablik í vil.
En fyrsti heimaleikur og eflaust góð stemming á nesinu fyrir leiknum og á ég ekki von á öðru en að stuðningsmenn Gróttu verði í banastuði en þeir voru einmitt frábærir á Kópavogsvelli fyrir tæpri viku.

Gestirnir af Hlíðarenda mæta hingað á Seltjarnarnesið með tap á bakinu úr fyrstu umferð gegn nágrönnum Gróttu í KR. Valsmenn sem spáð er titlinum eru því eflaust vel gíraðir í leikinn og ætla sér að sækja sín fyrstu 3 stig hér í dag.

Góðan daginn kæru lesendur og verið hjartanlega velkomin í beina textalýsingu Fótbolta.net frá leik Gróttu og Vals í 2.umferð Pepsi Max deildar karla.