Rétt um 10 mínútur í leik. Aðstæður er bara skrambi fínar. Hægur vindur, sól og um 13 gráðu hiti. Teppið er nokkuð slétt eins og við má búast en hef ekki tekið eftir því að það hafi verið vökvað ennþá.

Það er eins og við var að búast eitthvað um breytingar hjá liðunum. Steven Lennon. Björn Daníel og Hjörtur Logi fá sér sæti á bekknum. Gaman að sjá Loga Hrafn Róbertsson byrja hjá FH en sá drengur er fæddur 2004.

Við erum mættir á völlinn en mér til furðu er blaðamannaboxið læst. Við erum samt í sólskinsskapi enda sól og blíða og Þróttarar höfðingjar heim að sækja. Njótum veðursins á meðan við bíðum.

Það má búast við talsverðum róteringum í byrjunarliðum beggja liða í kvöld en leikið er þétt þetta sumarið og þjálfarar án efa með hugann við að reyna stýra álagi á leikmenn eins vel og hægt er.

FH fór alla leið í úrslit bikarsins í fyrra ár sem liðið beið lægri hlut fyrir Víkingum. Pétur Viðarsson fékk rautt spjald í úrslitaleiknum og er því ekki löglegur með FH í kvöld. Pétur reyndar hætti eftir síðasta tímabil en ákvað að taka fram skóna þegar skammt var til móts og var á varamannabekknum gegn ÍA um liðna helgi.

FH hefur farið vel af stað í Pepsi-Max deildinni og er með fullt hús stiga eftir tvær umferðir eftir sigra á HK í kórnum (2-3) þar sem Steven Lennon setti tvö mörk fyrir FH og gegn ÍA í Kaplakrika (2-1) þar sem Steven Lennon og Jónatan Ingi Jónsson sáu um markaskorun.

FH er eins og önnur Pepsi-Max deildar lið að mæta til leiks hér í 32.liða úrslitum en Þróttur hefur leikið tvo leiki í keppninni til þessa.

Þróttarar fengu 4.deildar lið Álafoss í heimsókn á Eimskipsvöllinn í 1.umferð bikarsins. Þróttarar stilltu upp ungu liði í þeim leik en höfðu 1-0 sigur upp úr krafsinu með marki Magnúsar Péturs Bjarnasonar snemma í síðari hálfleik.

Í 2.umferð mættu Vestramenn í Laugardalin þar sem Þróttur hafði 3-1 sigur eftir að hafa verið 0-1 undir í hálfleik. Magnús Pétur Bjarnason var á skotskónum þar líkt og gegn Álafoss með tvö mörk en Djorde Panic rak síðan smiðshöggið á sigur Þróttara og sætið í 32.liða úrslitum.

Gott kvöld kæru lesendur og verið hjartanklega velkomin í beina textalýsingu Fótbolta.net frá leik Þóttar og FH í 32.liða úrslitum Mjólkurbikars karla.