FH
1
2
Þróttur R.
0-1 Stephanie Mariana Ribeiro '1
Hrafnhildur Hauksdóttir '36 1-1
Guðni Eiríksson '45
1-2 Stephanie Mariana Ribeiro '45
06.07.2020  -  19:15
Kaplakrikavöllur
Pepsi-Max deild kvenna
Dómari: Guðmundur Páll Friðbertsson
Maður leiksins: Stephanie Mariana Ribeiro
Byrjunarlið:
12. Telma Ívarsdóttir (m)
Sigríður Lára Garðarsdóttir
2. Hrafnhildur Hauksdóttir ('84)
6. Úlfa Dís Kreye Úlfarsdóttir ('62)
9. Rannveig Bjarnadóttir ('84)
17. Madison Santana Gonzalez
19. Helena Ósk Hálfdánardóttir
20. Eva Núra Abrahamsdóttir ('79)
24. Taylor Victoria Sekyra
26. Andrea Mist Pálsdóttir
28. Birta Georgsdóttir ('79)

Varamenn:
25. Aníta Dögg Guðmundsdóttir (m)
4. Ingibjörg Rún Óladóttir
5. Margrét Sif Magnúsdóttir
8. Valgerður Ósk Valsdóttir ('62)
15. Birta Stefánsdóttir ('84)
17. Elísa Lana Sigurjónsdóttir
23. Andrea Marý Sigurjónsdóttir ('79)

Liðsstjórn:
Guðni Eiríksson (Þ)
Erna Guðrún Magnúsdóttir
Selma Dögg Björgvinsdóttir
Melkorka Katrín Fl Pétursdóttir
Árni Freyr Guðnason
Bríet Mörk Ómarsdóttir
Sandor Matus

Gul spjöld:
Eva Núra Abrahamsdóttir ('71)

Rauð spjöld:
Guðni Eiríksson ('45)
Leik lokið!
Þetta er búið og Þróttarar taka þrjú stig heim í Laugardalinn!

Lokamínúta fyrri hálfleiks var ótrúleg. Þá vildu FH-ingar fá víti en fengu í staðinn rautt spjald og mark beint í andlitið.

Þróttarar voru svo sterkara liðið í seinni hálfleik án þess þó að ná að bæta við marki. Heilt yfir sanngjarnt miðað við frammistöðuna úti á velli.

Ég þakka fyrir mig og minni á viðtöl og skýrslu hér á eftir.
94. mín
Elísabet í basli og togar í hárið á Valgerði svo hún kemst ekki af stað. Heppin að sleppa við spjald.

Andrea Mist tekur aukaspyrnu fyrir FH vinsta megin á vellinum. Setur háan bolta á fjær. Enn á ný blindar sólin okkur í blaðamannastúkunni og ég sé ekki hvaða FH-ingur það er sem skallar framhjá.
92. mín
Vel gert hjá varamanninum Ólöfu Sigríði. Er róleg á boltanum og spilar svo út til hægri á Leu sem vinnur horn. Lea tekur sér góðan tíma í spyrnuna en Andrea Marý skallar frá.
91. mín
5 mínútum bætt við.
90. mín
90 mínútur á klukkuna en það má búast við nokkrum mínútum í uppbót. Nóg hefur verið af skiptingunum.
87. mín
Spennustigið er hátt. FH fær horn. Sólin stríðir okkur en mér sýnist það vera Sekyra sem skallar framhjá.
85. mín Gult spjald: Álfhildur Rósa Kjartansdóttir (Þróttur R.)
Brýtur á Madison.
84. mín
Inn:Andrea Magnúsdóttir (Þróttur R.) Út:Linda Líf Boama (Þróttur R.)
Nóg af skiptingum hér í lokin. Varnarsinnað hjá Þrótti. Sóknarsinnað hjá FH.
84. mín
Inn:Jelena Tinna Kujundzic (Þróttur R.) Út:Laura Hughes (Þróttur R.)
84. mín
Inn:Selma Dögg Björgvinsdóttir (FH) Út:Hrafnhildur Hauksdóttir (FH)
84. mín
Inn:Birta Stefánsdóttir (FH) Út:Rannveig Bjarnadóttir (FH)
84. mín
Hrafnildur með hættulega hornspyrnu fyrir FH en Þrótturum tekst að hreinsa eftir pressu FH-inga.
83. mín
RANNVEIG!

FH með aðra fína tilraun. Rannveig nær skoti úr teignum en setur boltann beint á Friðriku sem ver.

Leikurinn er að snúast þessar síðustu mínútur. Þrótturum gengur illa að halda í boltann og FH-ingar reyna að sækja.
82. mín
Flottur varnarleikur hjá Sekyra sem vinnur boltann af Margréti og breytir vörn í sókn. Hún spilar á Andreu Mist sem mundar skotfótinn en setur boltann aðeins yfir.
79. mín
Inn:Erna Guðrún Magnúsdóttir (FH) Út:Birta Georgsdóttir (FH)
Tvöföld skipting hjá FH.
79. mín
Inn:Andrea Marý Sigurjónsdóttir (FH) Út:Eva Núra Abrahamsdóttir (FH)
79. mín
FH-ingar eru loks farnar að bíta frá sér eftir mikla yfirburði Þróttar í seinni hálfleik.

Geta þær fundið jöfnunarmarkið?
79. mín
Það er krefjandi fyrir taugahrúgur að fylgjast með Morgan spila úr öftustu línu hjá Þrótti. Hún var að taka Zidane snúning gegn Birtu sem kom í pressuna.
77. mín Gult spjald: Linda Líf Boama (Þróttur R.)
Linda Líf brýtur á Madison og fær réttilega spjald fyrir.

FH-ingar fá aukaspyrnu á miðjum vellinum. Setja boltann inná teig og vinna þar skotið, ég sé ekki hvaða leikmaður það er en hún setur boltann framhjá.
74. mín
Inn:Margrét Sveinsdóttir (Þróttur R.) Út:Stephanie Mariana Ribeiro (Þróttur R.)
Tvöföld skipting. Margrét fer uppá topp fyrir tveggja marka konuna. Djarft hjá gestunum að taka markahæsta leikmanninn sinn útaf.
74. mín
Inn:Ólöf Sigríður Kristinsdóttir (Þróttur R.) Út:Andrea Rut Bjarnadóttir (Þróttur R.)
Efnileg fyrir efnilega.
73. mín
Jæja. Ellefta hornspyrna Þróttar. Andrea Rut tekur og reynir að finna Morgan á fjær en það er lítil hætta í þessu og Morgan skallar framhjá.
71. mín Gult spjald: Eva Núra Abrahamsdóttir (FH)
Eva Núra dæmd brotleg úti á miðjum velli. Fær líklega gult fyrir viðbrögð við dómnum frekar en brotið sjálft.
70. mín
Vafasamar vefsíður segja okkur að Þróttarar séu búnar að vera 65% með boltann í leiknum. Seinni hálfleikurinn hefur nánast farið fram á vallarhelmingi FH svo það kemur lítið á óvart.

Það er hinsvegar bara eins marks munur og hlutirnir eru fljótir að gerast í fótbolta svo þetta er allt galopið ennþá.
66. mín
Enn ein hornspyrnan sem Þróttur fær. Mary Alice sækir þessa eftir laglegan spett. Andrea Rut setur boltann á nær en Sísí kemur boltanum í burtu.

Þróttarar halda þó pressunni og vinna aðra hornspyrnu stuttu síðar. Aftur tekur Andrea Rut. Í þetta skiptið stutt á Lauru. Boltinn endar svo fyrir utan teig hjá Mary sem rifjar upp draumamarkið gegn Fylki í síðustu umferð en neglir svo hátt yfir með hægri fætinum.
62. mín
Inn:Valgerður Ósk Valsdóttir (FH) Út:Úlfa Dís Kreye Úlfarsdóttir (FH)
Ung og efnileg fyrir unga og efnilega. Valgerður fer í hægri bakvörðinn fyrir Úlfu.
60. mín
Þróttarar eru búnar að fá 5 mjög góð færi fyrsta korterið í seinni hálfleik en þarna hefðu FH-ingar getað refsað. Fyrirgjöf FH-inga frá vinstri dettur rétt fyrir framan Helenu Ósk í vítateig Þróttar en hún nær ekki til boltans.
57. mín
SEKYRA!

Hún bjargar á línu eftir skot Mary Alice úr teignum.

Þróttarar fá horn. Andrea tekur en Álfhildur skallar framhjá.
56. mín
Inn:Lea Björt Kristjánsdóttir (Þróttur R.) Út:Ísabella Anna Húbertsdóttir (Þróttur R.)
Fyrsta skipting leiksins. Lea kemur á miðjuna fyrir Ísabellu.
55. mín
Laura með horn fyrir Þrótt. Reynir að leika eftir listir Hrafnhildar frá fyrri hálfleiknum en setur boltann aftur fyrir.
54. mín
Enn eru Þróttarar að opna FH-vörnina og skapa sér færi!

Laura laumaði boltanum inná teig á Andreu Rut sem lagði hann svo fyrir. Ísabella var mætt eins og gammur á markteiginn en Telma varði!
52. mín
Þróttarar byrja seinni hálfleikinn betur og þær fá horn. Andrea Rut á flottan bolta á fjær á Morgan sem skallar í slánna!

Boltinn endar svo úti í teig þar sem Laura reynir skot en setur boltann aðeins framhjá.

Þróttarar búnar að fá þrjú stórhættuleg færi á upphafsmínútum seinni hálfleiksins.
51. mín
DAUÐAFÆRI!

Linda Líf leikur á Sísí og leggur boltann fyrir á Andreu Rut sem er EIN á markteig en hittir ekki boltann!
48. mín
Eva Núra á fyrsta skot FH-inga í seinni hálfleik. Tekur það rétt utan hægra vítateigshornsins og setur boltann aðeins framhjá fjærstönginni. Fín tilraun.
46. mín
Þróttarar fá dauðafæri eftir gullfallega sókn. Stephanie tekur boltann á hælinn og finnur Lauru sem þræðir Lindu Líf í gegn. Hún leggur boltann svo aftur út í skot á Lauru sem skýtur yfir af vítapunktinum!
46. mín
Leikur hafinn
Þetta er farið af stað aftur. Mér sýnast engar breytingar hafa verið gerðar á liðunum.
45. mín
Hálfleikur
Jesús góður. FH-ingar taka miðjuna og Guðmundur flautar til hálfleiks. Rosaleg mínúta.

Stuðningsmenn FH láta dómarana heyra það þegar tríóið gengur af velli. Við erum ekki með neinar endursýningar hér en þetta leit 100% út fyrir að vera víti. Ég er eiginlega alveg gáttuð á þessu öllu.

Nú taka við öndunaræfingar og við sjáumst svo aftur í seinni hálfleik eftir korter. Hann verður eitthvað...
45. mín MARK!
Stephanie Mariana Ribeiro (Þróttur R.)
Stoðsending: Andrea Rut Bjarnadóttir
Litla dramatíkin!!

Það eru aldeilis sviptingar í þessu og Þróttarar skora!

Andrea Rut á fallega fyrirgjöf frá hægri og okkur sýndist það vera Stephanie sem hendir sér á boltann og kemur honum í netið.
45. mín Rautt spjald: Guðni Eiríksson (FH)
Guðni brjálast þegar FH-ingar fá ekki víti. Fær fyrst gult en missir hausinn alveg og er kominn inná völlinn svo Guðmundur getur ekki annað en tekið upp rauða spjaldið.
44. mín
HA???

Þarna átti FH að víti!

Birta pressar á Morgan. Vinnur boltann og er komin ein gegn Friðriku sem tekur hana niður!

Ekkert dæmt og FH-ingar tryllast!
42. mín
Kæruleysi hjá FH. Úlfa skokkar í rólegheitum út í teiginn til að hreinsa á meðan Stephanie mætir í pressuna af fullum krafti. Nær að vinna horn fyrir Þrótt uppúr nánast engu. Andrea tekur en Telma veður út í teiginn og grípur boltann.
41. mín
FH-ingar brjóta á Lauru á vítateigslínunni og Þróttarar fá aukaspyrnu á hættulegum stað.

Mary Alice tekur spyrnuna og NEGLIR á markið. Boltinn framhjá veggnum og Telma gerir vel í að verja. Hún sá þennan eflaust seint.
39. mín
Vel gert Eva Núra!

Kjötar Lauru úti á miðjum velli og er nokkrum sentimetrum frá því að leggja upp deddara fyrir Madison.
37. mín
Þróttarar reyna að svara strax. Stephanie kemst í fína stöðu í teignum en heldur áfram að setja boltann beint á Telmu. Hún þarf að gera betur úr þessum sénsum sínum.
36. mín MARK!
Hrafnhildur Hauksdóttir (FH)
MAAAARK!

Hrafnhildur skorar beint úr horninu!

Smellhittir boltann og snýr honum fallega yfir pakkann og í fjærhornið.
36. mín
FH-ingar vinna boltann á miðjunni og geysast í sókn. Madison leikur í átt að marki og hótar skoti áður en hún skýtur í varnarmann og aftur fyrir.

FH fær horn og Hrafnhildur tekur eins og áðan.
34. mín
Séns!

Mary Alice á flottan bolta inn á teig þar sem Stephanie er mætt og nær skalla að marki. Boltinn hinsvegar beint í lúkurnar á vel staðsettri Telmu.
27. mín
Álfhildur vinnur boltann af harðfylgi á miðjunni og sendir Stephanie í gegn en hún er réttilega dæmd rangstæð í þá mund sem hún rennir boltanum framhjá Telmu.

Þetta er fjörugur og skemmtilegur leikur.
26. mín
Það er kominn aðeins betri taktur í heimakonur og þær eru að ná að tengja saman sendingar á meðan Þróttarar elta.
26. mín
FH-ingar reyna annað langskot. Nú var það Birta en hún setti boltann beint á Friðriku.
25. mín
Þróttarar vinna annað horn en FH-ingar skalla frá. Mér sýnist það vera Úlfa sem á flottan bolta í hlaupaleiðina hjá Helenu Ósk. Hún er við það að sleppa í gegn þegar Elísabet Freyja birtist og vinnur af henni boltann.
23. mín
Morgan Goff í svolitlu basli við að spila út úr Þróttaravörninni. Ekki alveg í sama stuði og gegn Fylki í síðustu umferð. FH-ingar eru hinsvegar ekkert að pressa Þróttarana og refsa því ekki fyrir klaufaganginn í Goff.
21. mín
Þá er komið að Rannveigu að munda skotfótinn. Hún lætur vaða af löngu færi en skotið auðvelt fyrir Friðriku.
20. mín
Enn gerir Stephanie sig líklega í vítateig FH eftir þónokkurn vandræðagang heimakvenna. Hún skýtur hinsvegar beint á Telmu. Svipað og áðan.
19. mín
Þróttarar fara mikið upp vinstra megin og sem fyrr er Mary Alice í áberandi hlutverki. Hún er óhrædd við að taka varnarmenn FH á og var að vinna horn eftir að hafa leikið á Madison.

Andrea Rut á hættulegan bolta inn að marki en Telma gerir vel í að blaka honum út áður en FH-ingar hreinsa.
12. mín
Það er fjör í þessu. Liðin skiptast á að sækja og nú fá FH-ingar annað horn. Í þetta skiptið frá hægri og Hrafnhildur skokkar yfir til að snúa þessu að markinu. Mér sýnist það vera Elísabet Freyja sem skallar þetta í burtu.
11. mín
Vinstri bakvörðurinn Mary Alice er í feykistuði. Brunar hér upp völlinn og losar boltann svo í fínt skotfæri á Ísabellu. Hún nær hinsvegar ekki nægilega góðu skoti og Telma ver örugglega.
9. mín
Uppstilling Þróttar:

Friðrika

Elísabet - Sóley - Morgan - Mary

Álfhildur

Ísabella - Andrea

Laura

Stephanie - Linda Líf
8. mín
Fín tilraun hjá FH. Hin eldfljóta Madison köttar inn frá hægri og reynir skot sem reynir á Friðriku í markinu.

Þróttarar geysast svo í sókn og Taylor á virkilega góða tæklingu sem stoppar Lindu Líf í að finna skotið í teignum. Boltinn í horn.

Andrea Rut tekur stutt á Lauru sem sýnir skemmtilega takta, sólar varnarmann en missir boltann svo frá sér áður en hún nær fyrirgjöf.
7. mín
Lið FH:

Telma

Úlfa - Sigríður Lára - Taylor - Hrafnhildur

Eva Núra - Andrea Mist

Madison - Rannveig - Helena Ósk

Birta
5. mín
DAUÐAFÆRI!

Þarna hefði Stephanie getað tvöfaldað forystuna. Mary Alice sýndi mátt sinn og megin vinstra megin. Lék á tvo varnarmenn FH og sendi svo fyrir þar sem Stephanie var í fínni stöðu og reyndi viðstöðulaust skot. Skotið svotil beint á Telmu sem var vel viðbúin og varði.
3. mín
FH-ingum er brugðið en þær vinna honrspyrnu. Andrea Mist setur boltann utarlega í teiginn þar sem Taylor Sekyra er í baráttunni en skalli hennar er bæði máttlítill og vel framhjá.
1. mín MARK!
Stephanie Mariana Ribeiro (Þróttur R.)
Stoðsending: Mary Alice Vignola
BAMM!

Þróttarar byrja með látum!

Stephanie ræðst á vörnina eftir innkast, kemst inn á teig vinstra megin og klárar í fjærhornið.

37 sekúndur komnar á klukkuna!
1. mín
Leikur hafinn
Leikurinn er hafinn. Birta Georgsdóttir tekur upphafsspyrnuna fyrir FH sem leikur í átt að frjálsíþróttavellinum.
Fyrir leik
Jæja. Liðin eru mætt út á völl og þetta fer að hefjast.
Fyrir leik
Það er aðeins að bætast í stúkuna en ég myndi vilja sjá amk 100 stykki stuðningsmenn frá hvoru liði til viðbótar. Geggjað veður og mikið í húfi.
Fyrir leik
Við sjáum byrjunarliðin hér til hliðar. Hjá FH koma þær Úlfa Dís og Birta Georgs inn í liðið á kostnað Ingibjargar og Valgerðar sem eru á bekknum.

Hjá Þrótti koma þær Ísabella Anna og Elísabet Freyja inn í liðið fyrir Sigmundínu og Leu Björt sem eru á bekknum.
Fyrir leik
Það er hálftími í leik og liðin á fullu í upphitun. Aðstæður eru eins og best verður á kosið. Sól, blíða, gullfallegur grasvöllur og einbeittir leikmenn.
Fyrir leik
Liðin mættust tvisvar í Inkasso-deildinni síðasta sumar og skiptu með sér stigunum. FH vann fyrri viðureign liðanna 2-1 og Þróttur þá síðari 2-0.

Bæði lið hafa styrkt sig vel frá síðasta sumri og verður gaman að fylgjast með nýliðunum takast á hér á eftir. Einhverjir tala um 6 stiga leik þó auðvitað séu bara 3 stig í boði.
Fyrir leik
Fyrir leik eru liðin í 8. og 9. sæti deildarinnar. FH-ingar eru enn stigalausar en Þróttarar gerðu jafntefli í síðasta leik og eru því með eitt stig.

Bæði lið hafa fengið á sig 8 mörk í þremur fyrstu leikjunum en FH er eina liðið í deildinni sem á enn eftir að skora.
Fyrir leik
Heil og sæl!

Hér verður hægt að fylgjast með beinni textalýsingu frá nýliðaslag FH og Þróttar í Pepsi Max deildinni.

Guðmundur Páll Friðbertsson, dómari, flautar til leiks á slaginu 19:15.
Byrjunarlið:
Sóley María Steinarsdóttir
6. Laura Hughes ('84)
7. Andrea Rut Bjarnadóttir ('74)
8. Álfhildur Rósa Kjartansdóttir (f)
9. Stephanie Mariana Ribeiro ('74)
10. Morgan Elizabeth Goff
13. Linda Líf Boama ('84)
15. Ísabella Anna Húbertsdóttir ('56)
16. Mary Alice Vignola
19. Elísabet Freyja Þorvaldsdóttir
20. Friðrika Arnardóttir

Varamenn:
2. Sigmundína Sara Þorgrímsdóttir
3. Mist Funadóttir
5. Jelena Tinna Kujundzic ('84)
11. Tinna Dögg Þórðardóttir
14. Margrét Sveinsdóttir ('74)
18. Andrea Magnúsdóttir ('84)
21. Lea Björt Kristjánsdóttir ('56)
29. Ólöf Sigríður Kristinsdóttir ('74)

Liðsstjórn:
Nik Chamberlain (Þ)
Egill Atlason
Edda Garðarsdóttir

Gul spjöld:
Linda Líf Boama ('77)
Álfhildur Rósa Kjartansdóttir ('85)

Rauð spjöld: