Hér á Rafholtsvellinum er allt að verða til reiðu. Sólin að brjótast út við og við en veðuraðstæður eru eins og kallað er í veðurfréttum úrkoma í grennd.

Njarðvík

Njarðvík hóf mótið með ágætum, tveir sigrar í fyrstu tveimur leikjunum og þar á meðal útisigur gegn Selfyssingum sem spáð var sigri í deildinni. Síðan þá hefur Njarðvík mætt Kórdrengjum og Þrótti Vogum en báðum liðum er spáð góðu gengi í sumar. Báðir þessir leikir töpuðust hjá Njarðvík og er leikurinn í dag gríðarlega mikilvægur fyrir þá ef þeir á annað borð ætla að blanda sér í toppbaráttuna í sumar.

KF

KF hefur farið ágætlega af stað miðað við þær væntingar sem gerðar voru til liðsins fyrir mót. Brösóttri byrjun þar sem liðið tapaði með minnsta mun gegn ÍR og Víði hefur verið fylgt eftir með góðum sigrum á Davík/Reyni og Kára og situr liðið fyrir leik dagsins í 5.sæti með 6 stig þegar 4 umferðum er lokið.

Liðunum var spáð misjöfnu gengi fyrir mót, Heimamönnum hjá Njarðvík var spáð 3.sæti fyrir mót af þjálfurum og fyrirliðum en KF var spáð 12.sæti og falli í 3.deild.

Góðan dag kæru lesendur og verið velkomin í beina textalýsingu frá leik Njarðvíkur og KF í 2.deild karla.