Blikar vinna hlutkastið og senda KR þangað sem þeir ekki vilja.

KR vilja sækja að félagsheimilinu sínu í seinni hálfleik en fá það ekki, Blikar velja að sækja þangað þá. KR byrja með boltann.

Liðin mættu að lokum og nú erum við að verða klár í slaginn.

Allir litir liðanna eðlilegir - dómararnir bláir.

Menn láta bíða eftir sér...þetta gerist finnst mér ansi oft í Vesturbænum.

Þetta er nú líklega bara partur af því að menn vilja byggja upp spennu!

Maður finnur hvernig spennan magnast.

Blikahólfið hér hægra megin við mig er að fyllast, matartorg heimamanna er smekkfullt og KR-ingar að færa sig yfrir í sinn enda stúkurnar. Gullhólfið er þéttsetið í dag, goðsagnarkenndir Vesturbæingar láta sig ekki vanta.

Blikar eiga líka tengingar í Vesturbæinn.

Gunnleifur Gunnleifsson varð Íslandsmeistari með KR 1999, þá varamarkmaður fyrir núverandi markmannsþjálfara heimamanna, Kristján Finnbogason, lék 10 leiki með KR árið áður. Jább...fyrir 22 árum. Á SÍÐUSTU ÖLD!

Með Gulla á bekknum í dag er svo þjálfarateymi úr Vesturbænum. Óskar Hrafn lék með KR þar til ársins 1997 og kom úr yngri flokka starfi félagsins. Aðstoðarmaður hans Halldór Árnason þjálfaði yngri flokka hjá KR en leikmannsferillinn var hjá hinu Vesturbæjarliðinu, KV og þar áður hjá Gróttunni.

Svo auðvitað verðum við að minnast á Brynjólf Willumsson, son Willum Þórs. Ég er pottþéttur á því að hann hefur verið boltasækir hér um slóðir.

Veistu um fleiri tengingar? Skutlaðu á mig á Twitter!

Það er ekki bara Finnur Orri sem hefur tengingu við Breiðablik í leikmannahópi KR.

Arnór Sveinn og Kristinn Jóns eru líka Blikar upprunalega en að auki lék Atli Sigurjónsson í 2 ár í Kópavoginum.

Kúdos á flotta Twittersíðu Blikanna - flott að geta gripið í þá héðan. Vallarvörðurinn auðvitað bestur til að taka mynd af vellinum sínum...en ekki hvað!

Bræður berjast í kvöld í orðsins fyllstu, Finnur Orri er uppalinn Bliki og mætir bróður sínum Viktori Erni í kvöld.

Finnur og Stefán Árni koma inn í lið KR í stað Arnþórs og Óskars í kvöld, Viktor Örn kemur í stað Kristins Steindórssona hjá Blikum.

Ágætt að benda mönnum á það í ljósi Twittermyndarinnar af meistara Bóasi að ég er meira en til í að fá mola um leikinn eða leikmenn inn á Twitter.

Hendi völdum athugasemdum hingað inn ef passar inn í lýsinguna.

Dómararnir eru mættir í hús og lagðir af stað í sinn undirbúning.

Einar Ingi Jóhannsson flautar, Eðvarð Eðvarðsson og Bryngeir Valdimarsson verða með flögg í höndum og samskiptabúnaðinn í gangi.

Í hann talar líka fjórði dómarinn sem er í dag Arnar Ingi Ingvarsson. Með störfum þeirra í dag fylgist Eyjólfur Ólafsson.

Síðasti leikur KR var því í 4.umferð þegar þeir lögðu Víkinga 2-0 í leik sem litaðist töluvert af brottvísunum gestaliðsins.

Blikar gerðu 3-3 jafntefli í síðasta leik sínum við FH.

KR hafa leikið einum leik færra en Blikar svo þetta er þeirra fimmti leikur í deildinni.

Fyrir leikinn í dag sitja Blikar á toppnum með 11 stig en KR eru í 5.sæti með 9 stig.

Með sigri gætu heimamenn hins vegar hent sér á topp deildarinnar.

Góðan og blessaðan daginn og velkomin í beina textalýsingu frá Meistaravöllum hvar KR-ingar taka á móti toppliði Breiðabliks.

Leikurinn er liður í 6.umferð PepsiMax-deildarinnar.