Örstutt í leik og liðin að ganga til vallar. Vonumst að sjálfsögðu eftir spennandi og skemmtilegum leik.

Það má skjóta því að annar af markahæstu mönnum deildarinnar Óttar Magnús Karlsson hefur skorað jafn mörg mörk í sumar og allt Gróttuliðið eða alls 7 stykki.

Greyhound með Swedish House Mafia hljómar í græjunum. Virkilega gott ræktarlag þar á ferð og gefur leikmönnum örugglega smá boost í upphitun.

Ef þið eruð ekki nú þegar á leiðinni þá hvet ég ykkur til þess að rífa ykkur upp og skella ykkur á völlinn. Veðrið er stórkostlegt og Hamborgarar og Pizzur að venju í boði á Vivaldi.

Það má auðvitað ekki gleyma að minnast á því að Kieran Hugh Dolan Mcgrath er að byrja sinn fyrsta leik hjá Gróttu. Hann kom inná á 92. mínútu í tapi liðsins gegn KA á dögunum en áhugavert verður að fylgjast með hvernig þeim skoska mun reiða af í kvöld.

Spámaðurinn

Málfríður Erna Sigurðardóttir, leikmaður Vals í Pepsi Max deild kvenna er spámaður Fótbolta.net fyrir þessa áttundu umferð.

Grótta 2 - 6 Víkingur R.
Víkingar vinna annan leikinn í röð 6-2. Óttar Magnús og Nikolaj með tvennur og Sölvi og Kári með sitt hvort skallamarkið eftir aukaspyrnur. Grótta skorar tvö klafsmörk eftir horn.

Byrjunarliðin

Grótta gerir breytingar á liðinu sem tapaði gegn KA á Akureyri um liðna helgi, Sigurvin Reynisson, Pétur Theodór Árnason fara út fyrir þá Óliver Dag Thorlacius og Kieran Mcgrath.

Víkingar gera sömuleiðis breytingar á liði sínu frá 6-2 sigrinum á ÍA. Kristall Máni Ingason og Nikolaj Hansen fara út fyrir Sölva Geir Ottesen og Atla Hrafn Andrason.

Aðstæður

Það er allt til alls fyrir flottann leik á Vivaldi í kvöld. Sólin skín skært, tiltölulega hægur blástur og hitastigið um 15 gráður.

Vallarstarfsmenn keppast við að vökva völlinn og allt er að verða klárt fyrir það sem verður vonandi skemmtilegur leikur.

Fyrri viðureignir

Liðin hafa mæst alls sex sinnum í opinberum leikjum samkvæmt gagnagrunni KSÍ.

Grótta hefur ekki unnið neina af þeim viðureignum, einni hefur lokið með jafntefli og Víkingar sigrað alls fimm sinnum.

Markatalan úr þessum viðureignum er 8-17 Víkingum í vil

Grótta

Grótta hefur verið í basli framan af móti. Viss stígandi hefur þó verið í leik þeirra eftir erfið töp í fyrstu þremur uferðunum. 4-4 jafntefli gegn HK á heimavelli sem og 0-3 útisigur á Fjölni í Grafarvogi settu stig á töfluna fyrir Gróttu sem sitja þó í 11. og næstneðsta sæti með 4 stig fyrir leik kvöldsins eftir töp í síðustu tveimur leikjum,

Víkingur

Víkingar hafa verið óstöðugir þessar fyrstu sjö umferðir mótsins. Eftir dapra byrjun gegn Fjölni og KA tóku þeir FH í karphúsið í þriðju umferð. Tvö töp fylgdu í kjölfarið, gegn KR þar sem allir þrír starting miðverðir Víkinga fengu rautt spjald og gegn Val þar sem þeir voru allir í banni. Liðið hefur þó náð sér á strik á ný og hefur lagt HK og ÍA að velli í síðustu tveimur leikjum.

Sölvi Geir Ottesen er gjaldgengur á ný í lið Víkings í dag eftir að hafa tekið út þriggja leikja bann og ef Halldór Smári Sigurðsson hefur náð sér af meiðslum sem hann hlaut gegn HK má reikna með því að Sölvi,Halldór og Kári verði sameinaðir á ný í vörn Víkinga sem eru gleðitíðindi fyrir þá.

Víkingar sitja fyrir leikinn í 5.sæti með 11 stig en gætu með sigri og hagstæðum úrslitum í öðrum leikjum lyft sér í annað sæti deildarinnar.

Gott kvöld kæru lesendur og verið hjartanlega velkomin í beina textalýsingu Fótbolta.net frá leik Gróttu og Víkings í 8.umferð Pepsi Max deildar karla.