Liðin ganga hér inn á völlinn á eftir Egil Arnari dómarara leiksins, byrjað er að kynna liðin og áhorfendur eru að týnast í stúkuna og allt er að verða til reiðu hér á Framvellinum í Safamýri.

Tveimur leikjum er nú þegar lokið í deildinni.

Keflavík sigraði Vestra nokkuð örugglega 4-1 á Nettóvellinum. Magni og Grindavík skildu jöfn á Grenivík 3-3 eftir mikla dramatík. Viðtöl og skýrslur úr þeim leikjum eru væntanleg inn á Fótbolta.net.

10 mínútur í leik

Liðin ganga til búningsklefa og gera sig klár fyrir upphafsflautið.

Vonandi fáum við alvöru leik hér í dag og jafnvel nokkur mörk.

Gaman að fylgjst með:

Fred Saraiva býr yfir gríðarlegum hraða og góður á boltann. Alvaro Montejo einn besti leikmaður deildarinnar og getur hann klárað leiki á einstaklingsgæðum sínum.

Leikmenn sem liðin verða að hafa góðar gætur á hér í dag.

Fram gerir 2 breytingar frá jafnteflinu gegn Þrótti Reykjavík í síðustu umferð.Orri Gunnarsson og Aron Kári Aðalsteinsson koma inn í liðið á kostnað Arnór Daða og Magnúsar Þórðarssonar.

Þórsarar gera 3 breytingar frá sigurleiknum gegn Magna. Jakob Franz, Sveinn Elías Jónsson og Izaro Abella koma inn í liðið fyrir Jónas Björgvin, Jakob Snær Árnason og Ólaf Aron Pétursson en Ólafur Aron meiddist á ökkla í leiknum á móti Magna og er hann í kappi við tímann að ná bikarleiknum gegn Fimleikafélaginu á Fimmtudaginn næstkomandi.

Byrjunarliðin eru klár og má sjá þau hér til hliðana.

Leikir dagsins:
Þrír aðrir leikir fara fram í Lengjudeildinni í dag. Allir í beinni textalýsingu á Fótbolta.net.

14:00 Magni - Grindavík (Grenivíkurvöllur)
14:00 Keflavík - Vestri (Nettóvöllurinn)
16:00 Víkingur Ó. - Leiknir F. (Ólafsvíkurvöllur)

Sveindís spáir jafntefli.
Sveindís Jane Jónsdóttir, leikmaður kvennaliðs Breiðabliks spáði í leiki umferðarinnar í Lengjudeild karla en hún spáir 2-2 jafntefli hér i dag.

,,Þetta er klárlega stærsti leikur umferðarinnar og þurfa bæði lið að ná sér í þrjú stig þar sem þau ætla bæði að reyna komast upp um deild. Bæði lið verða mjög 'passive' og kemur fyrsta markið ekki fyrr en eftir hálftíma leik. Fram mun tvisvar komast yfir í leiknum en Þór jafnar í bæði skiptin."

SÍÐASTA TÍMABIL

Liðin deildu stigunum bróðurlega á milli sín á síðasta tímabili. En báðir leikirnir enduðu með 3 - 0 heimasigrum. Þórsarar sigruðu á Þórsvellinum og Framarar hér í Safamýri.

Hvað gerist í dag?

SJÖUNDA UMFERÐIN:

Framarar fóru heimsókn á Eimskipvöllinn í Laugardal og mættu þar Þrótturum frá Reykjavík og endaði sá leikur 2-2. Líklega ekki úrslit sem Framarar sættu sig við og mæta þeir líklega vitlausir til leiks hér í dag.

Þórsarar fengu granna sína í Magna í heimsókn á Þórsvöll og endaði leikurinn með nokkuð sannfærandi 3-0 sigri Þórsara en mörk Þórs í leiknum skoruðu þeir Jónas Björgvin,Alvaro Montejo og Izaro Abella Sanchez.

ÞÓRSARAR

Eru sæti neðar með 13.stig en liðið hefur unnið fjóra leiki, gert eitt jafntefli og tapað tveimur.

Liðið hefur skorað 12.mörk á tímabilinu og fengið á sig 7.

FRAM

Situr í 4.sætinu með 14.stig fyrir leikinn í dag en liðið hefur sigrað fjóra, gert tvö jafntefli og tapað einum leik.

Liðið hefur skorað 13.mörk á tímabilinu og fengið á sig 10.

6 STIGA LEIKUR

Þetta er RISA leikur fyrir þær sakir að bæði þessi lið eru í bullandi toppbaráttu og þurfa bæði lið á stigunum 3 að halda hér í dag því bæði lið ætla sér upp í deild þeirra bestu að ári.

Liðin sitja fyrir leikinn í fjórða og fimmta sæti deildarinnar.

DÖMUR MÍNAR OG HERRAR!

Verið hjartanlega velkomin í þessa beinu textalýsingu frá Framvellinum í Safamýri. Hér í dag mætast Fram og Þór Akureyri í áttundu umferð Lengjudeildar karla.

Flautað verður til leiks klukkan 16:00.