Fyrir áhugasama er hægt að horfa á leikinn á streymi sem Silli og Bolli ætla að lýsa.

Athygli vekur að karlalið ÍBV spilar í dag en leik kvennaliðsins við Breiðablik sem átti sömuleiðis að fara fram núna klukkan 14:00 var aftur á móti frestað. Undirritaður fór á stúfana og fann út hvernig á þessu stæði en liðin eru einmitt staðsett á sömu eyjunni. Karlaliðið ferðaðist hins vegar til meginlandsins í gær og gisti eina nótt á Hótel Cabin.

Á meðan á upphitun stendur þá hefur byrjunarlð heimamanna breyst. Svo virðist sem að hann hafi meitt sig í upphituninni. Þróttur byrjar hins vegar ekki með 12 leikmenn eins og stendur hér vinstra megin heldur kemur Tyler Brown inn í byrjunarliðið fyrir Gumma.

Fyrri leikur þessara liða fór fram á Hásteinsvelli þann 27. júlí í sumar þar sem Gary Martin skoraði öll þrjú mörkin í 3-0 sigri Eyjamanna.

ÞÝÐINGARMIKILL LEIKUR FYRIR BÆÐI LIÐ

Þróttur Reykjavík situr fyrir leikinn í tíunda sæti deildarinnar með 12 stig. Eyjamenn eru í fjórða sætinu með 27 stig.

Bæði lið þurfa öll þrjú stigin hér í dag í þeirri baráttu sem liðin eru í. Þróttarar eru að berjast fyrir lífi sínu í deildinni og Eyjamenn eru á síðasta séns að blanda sér inn í toppbaráttuna um að komast upp í Pepsí Max-deildina að ári.

Góðan daginn kæru lesendur og verið velkomin með okkur í beina textalýsingu frá Eimskipsvellinum í Laugardal. Hér í dag mætast Þróttu Reykjavík og ÍBV í Lengjudeild karla.