Fyrir leik
Fyrri viðureignir

Heila 3 leiki hafa liðin leikið sín á milli samkvæmt gagnagrunni KSÍ. Grindavík hefur unnið 2 af þeim og einum hefur lokið með jafntefli.

Síðasti leikur liðanna var á Grenivík fyrr á þessu tímabili. Þar urðu lokatölur 3-3 þar sem jöfnunarmark Magna kom á 96 mínútu frá Rúnari Þór Brynjarssyni sem kom inná sem varamaður í uppbótartíma.
Eyða Breyta

Fyrir leik
Grindavík

Það er kannski hart að kalla Grindvíkinga vonbrigði þetta sumarið en þeim var vissulega spáð öðru af toppsætum deildarinnar fyrir mót en sitja nú í því 6.

Tölfræðilegur möguleiki er á því að Grindavík fari upp en ansi mikið þarf að gerast til þess að sú verði raunin. 7 stig eru í lið Leiknis R. sem situr í öðru sæti deildarinnar en Grindavík á að vísu leik til góða á þá gegn toppliði Keflavíkur á Nettóvellinum í Keflavík.

Talsverð skörð eru höggvin í lið Grindavíkur í dag sem verða án fjögurra lykilmanna en Guðmundur Magnússon og Gunnar Þorsteinsson taka út leikbann auk þess sem Josip Zeba er meiddur og spilaði meiddur gegn Fram samkvæmt mínum heimildum svo það er alls óvíst að hann verði með í dag.
Eyða Breyta

Fyrir leik
Magni

Að 17 umferðum loknum situr Magni á botni deildarinnar með 9 stig 3 stigum frá liðum Leiknis F og Þróttar sem eru þar fyrir ofan með 12 stig. Ljóst er að róðurinn verður þungur fyrir magnaða Magnamenn sem eru þó í stöðu sem þeir kannast alveg við. Tvö síðustu tímabil hefur Magni verið í harðri fallbaráttu fram á síðustu stundu en í bæði skiptin bjargað sér með mögnuðum endaspretti. Grenvíkingar trúa enn á þriðja kraftaverkið í röð þótt staðan sé ekkert sérstaklega björt.
15 stig eru þó eftir í pottinum fyrir Magna að sækja og verður spennandi að sjá hvernig þeim reiðir af.
Eyða Breyta

Fyrir leik
Komið þið sæl kæru lesendur og verið velkomin í beina textalýsingu Fótbolta.net frá Grindavíkur og Magna í Lengjudeild karla.
Eyða Breyta