Fyrir leik
Ég get ekki annað en hrósað vallarstjóra Keflavíkur fyrir frábærlega unnin störf. Völlurinn lítur hreint út sagt frábærlega út miðað við veðurfar undanfarið. Vel gert!
Eyða Breyta

Fyrir leik
Byrjunarliðin

Það er skarð hoggið í lið Keflavíkur fyrir leik dagsins en Kian Williams sem og Adam Árni Róbertsson eru ekki með þeim í dag en þeir meiddust báðir gegn Vestra fyrir helgi.

Tristan Freyr Ingólfsson sem átti skínandi leik gegn Vestra er í liðinu en ég reikna fastlega með því að hann færist ofar á völlinn enda snýr Rúnar Þór Sigurgeirsson aftur í lið Keflavíkur eftir að hafa tekið út leikbann. Fyrirliðinn Magnús Þór Magnússon fær sér sæti á bekknum eftir að hafa byrjað gegn Vestra en Anton Freyr Hauks snýr þar aftur eftir að hafa einni tekið út leikbann. Þá er Helgi Þór Jónsson kominn inn í stað Adams Árna.

Hjá ÍBV kemur Halldór Páll Geirsson aftur í rammann í stað Jóns Kristins Elíassonar. Þá fer Sito á bekkinn í stað Breka Ómarssonar frá sigrinum á Þrótti.
Eyða Breyta

Fyrir leik
Aðstæður

Mikið hefur rignt að undanförnu og vellir landsins hafa látið á sjá af þeim völdum. Ég á þó ekki von á öðru en að völlurinn verði í ágætu standi þennan daginn en þegar þessi orð eru skrifuð er fínasta veður í Keflavík. Sólin skín en hefur gengið á með skúrum framan af degi í hægum sunnanvindi. Hitastigið er svo um 8 gráður eða svo.
Eyða Breyta

Fyrir leik
Tölfræðin

104 opinbera leiki hafa liðin leikið sín á milli samkvæmt gagnagrunni KSÍ.

Keflavík hefur haft sigur í 45 þeirra, 20 hefur lokið með jafntefli og gestirnir úr Eyjum hafa sigrað alls 39 sinnum.

Markatalan er 181-162 Keflavík í vil.

Fyrri leikurinn í sumar

Liðin mættust í fyrri leik sínum á tímabilinu fyrir 17 dögum í Vestmannaeyjum. Keflavík hafði þar 1-3 sigur með mörkum frá Joey Gibbs (2) og Kian Williams. Jón Jökull Hjaltason lagaði stöðuna í uppbótartíma fyrir ÍBV og lokatölur því líkt og áður sagði 1-3.
Eyða Breyta

Fyrir leik
Keflavík

Ef ÍBV eru vonbrigði sumarsins má færa rök fyrir því að Keflavík sé á öndverðum meiði og hafi jafnvel komið einhverjum á óvart. Liðinu var þó spáð góðu gengi í sumar en kannski ekki toppsætinu þegar stutt er eftir af mótinu.

Sóknarleikur hefur verið aðalsmerki Keflvíkinga þetta sumarið en þeir hafa farið hamförum fyrir framan mark andstæðingana og skorað alls 52 mörk í 17 leikjum eða rétt rúmlega 3 mörk í leik. Þar hefur farið fremstur Joey nokkur Gibbs sem hefur gert 21 mark í þessum 17 leikjum.

Markamet?
Gibbs er í góðum séns að bæta markamet Arnar Óskarssonar sem staðið hefur frá 1976 en Örn gerði það ár 25 mörk fyrir lið ÍBV. Tökum það þó ekki af Erni að hann gerði sín 25 mörk í 16 leikjum það sumar. Að auki minnir mig að hafa lesið það einhversstaðar að í raun hafi hann skorað 28 mörk í 17 eða 18 leikjum þetta sumarið en lið hafi dregið sig úr keppni seint í mótinu og leikir liða gegn því og þar með mörk Arnar gegn þeim þurrkuð út.
Eyða Breyta

Fyrir leik
ÍBV

Það má auðveldlega færa rök fyrir því að lið ÍBV sé vonbrigði tímabilsins í Lengjudeildinni þetta sumarið í það minnsta það sem af er. Liðið sem flestir spáðu öruggum sigri í deildinni situr í 4.sætinu 7 stigum frá toppliði Keflavíkur sem auk þess á leik til góða á Eyjamenn. Jafntefli hafa reynst liðinu dýr þetta sumarið að 18 umferðum loknum hefur ÍBV gert alls 9 jafntefli og þar af mörg hver í leikjum sem fyrirfram ætlað væru skyldusigrar fyrir liðið.

Talsvert hefur verið rætt um framtíð Helga Sigurðssonar með liðið og virðast flestir á því að hann hætti með liðið að afloknu tímabilinu. Sama má segja um Gary Martin sem mun líklega yfirgefa eyjuna fögru í vetur ef mark er takandi á orðinu á götunni.
Eyða Breyta

Fyrir leik
Þriðjudagur klukkan 15:45 er alls ekki hefðbundinn leiktími á Íslandsmótinu í knattspyrnu en er að sjálfsögðu tilkomin vegna birtuskilyrða sem og þess rasks sem Covid-19 hefur valdið á mótahaldi þetta sumarið.
Eyða Breyta

Fyrir leik
Heil og sæl kæru lesendur og verið hjartanlega velkomin í beina textalýsingu Fótbolta.net frá leik Keflavíkur og ÍBV í Lengjudeild karla.
Eyða Breyta