Gamli Ullevi
A-landslið kvenna - EM 2021
Aðstæður: Ljómandi fínt veður
Dómari: Stéphanie Frappart
Áhorfendur: Engir áhorfendur, því miður
Núna hlýtur stefnan að vera sett á það að vinna rest og enda á meðal bestu liða í öðru sæti og komast þannig beint á EM.
EM 2022, here we come! 🇳🇴â¤ï¸ðŸŽ‰ https://t.co/RmBH49Ykir
— Maria Thorisdottir (@MariaThorisdott) October 27, 2020
Sveindís með gott skot fyrir utan teig, en Falk er mætt í hornið og nær að verja. Líklega er þetta besta tilraun Íslands í leiknum.
Íslenska liðið virðist þreytt. Margar okkar stelpur ekki í mikilli leikæfingu þar sem deildin hér á landi hefur verið í pásu.
When your team is down and you need to score, who you gonna call? B.B.Þ @berglindbjorg10 #fotboltinet pic.twitter.com/aFfNXln6Z3
— Orri Rafn Sigurdarson (@OrriRafn) October 27, 2020
Stoðsending: Kosovare Asllani
Svíar unnu boltann og keyrðu í sókn. Þrír íslenskir varnarmenn ná ekki að stöðva Schough og hún hamrar boltanum í netið. Enginn möguleiki fyrir Söndru.
Verður bara að segjast eins og er að þetta var ekki góður fyrri hálfleikur hjá Íslandi, og ekki góður hálfleikur heilt yfir. Seinni hálfleikurinn var mikið betri hjá okkur á Laugardalsvelli og hann verður það vonandi líka núna.
Allir leikmenn Íslands eiga meira inni.
Þetta er hrikalega klaufalegt. Sending sem var að fara að enda hjá Söndru en Glódís skallar boltann beint fyrir fætur Jakbosson sem skorar. Algjör gjöf. Misskilningur þarna á milli Glódísar og Söndru.
Ísland vinnur skallatennis og Sveindís skallar boltann inn fyrir vörnina á Karólínu sem nær skoti að marki en það var ekki nægilega mikill kraftur í því. Fínt færi en Karólína hefði þurfti að vera í aðeins betra jafnvægi og hitta boltann aðeins betur.
Þessi löngu innköst Sveindísar eru geggjuð. Þarna skapaðist darraðadans og við fáum hornspyrnu. Svíarnir kunna ekki vel við þetta
Ísland með góða sókn og Hlín á sendingu inn í teiginn sem Sveindís nær ekki til á undan varnarmanni Svía. Elín Metta vill fá vítaspyrnu en ekkert dæmt.
Í byrjunarliði Svía eru tveir leikmenn Chelsea, tveir leikmenn Real Madrid og þrír leikmenn Rosengård. Þær eiga samt engan leikmann í Evrópumeistaraliði Lyon, sem er langbesta lið heims. Það eigum við, fyrirliðann Söru Björk Gunnarsdóttur sem er núna búin að bæta landsleikjamet Íslands. Hún er að spila sinn 134. landsleik.
Til hamingju með það Sara.
Alltaf kunnað vel við SvÃa. Gà fu okkur IKEA, Abba, Bilar(nammið)og Surstrøm. Við eigum samt Össur, Sigurrós, Nóa kropp og Hákarl. Við pökkum þeim saman hvar sem er, og það verður enginn breyting á þvà à kvöld 🇮🇸 #fotboltinet
— Orri Rafn Sigurdarson (@OrriRafn) October 27, 2020
Ãfram Ãsland! Endilega notið #fotboltinet fyrir umræðuna à kringum stórleikinn pic.twitter.com/cq6eQ64vWG
— Fótbolti.net (@Fotboltinet) October 27, 2020
Koma svo Ísland!
Svíþjóð gerir þrjár breytingar á liði sínu frá fyrri leiknum gegn Íslandi.
Jennifer Falk kemur í markið, Hanna Glas í vörnina og Olivia Schough kemur inn framarlega á vellinum. Zecira Musovic, Amanda Ilestedt fara á bekkinn og Lina Hurtig er ekki með.
Falk er markvörður Gautaborg, Glas leikur með Bayern München og Olivia Schough er á mála hjá Djurgården.
Dómarinn í leiknum á Laugardalsvelli var ekki góður, það verður að segjast. Dómarinn í dag er einn gæðamesti dómari í heimi kvennaboltans. Hún heitir Stéphanie Frappart og kemur frá Frakklandi.
Hún var fyrst kvenna til að dæma stórleik í karlaheiminum, þegar Liverpool mætti Chelsea í úrslitaleik um Ofurbikar Evrópu í fyrra.
Frappart dæmdi á HM 2015 og var sett á úrslitaleikinn á HM í fyrra þegar Bandaríkin unnu Holland. Árið 2019 var stórt ár fyrir hana þar sem hún varð einnig fyrsti kvendómari í sögu Ligue 1, efstu deild franska boltans.
Dagný Brynjarsdóttir er meidd og dettur úr byrjunarliðinu frá því í fyrri leiknum gegn Svíum. Hlín Eiríksdóttir kemur inn í liðið. Hlín byrjar á hægri kantinum en Karolína Lea Vilhjálmsdóttir fer af kantinum á miðjuna.
Hallbera Guðný Gísladóttir hefur verið að glíma við meiðsli en hún er klár í slaginn og byrjar í vinstri bakverði.
Sara Björk Gunnarsdóttir, landsliðsfyrirliði, bætir leikjamet landsliðsins í dag en hún spilar sinn 134. landsleik. Katrín Jónsdóttir átti fyrra metið en hún spilaði 133 landsleiki á ferlinum.
Undankeppni EM virkar þannig að efsta lið hvers riðils fer beint á Evrópumótið og þrjú lið með bestan árangur í öðru sæti fara einnig á mótið. Sex lið fara þá í umspil um þrjú laus sæti.
Evrópumótið fer fram í Englandi sumarið 2022.
Þessi lið mættust á Laugardalsvelli í síðasta mánuði og enduðu leikar þá 1-1. Íslenska liðið spilaði mjög vel þar og hefði hæglega getað unnið leikinn.
Það þarf ekki mikið að hamra á því hversu mikilvægur þessi leikur er. Þetta eru tvö bestu liðin í riðlinum og eru þau með jafnmörg stig fyrir leikinn í kvöld. Liðið sem vinnur þennan leik fer afar langt með að tryggja sér sæti á EM. Ef jafntefli verður niðurstaðan munu úrslit í riðlinum eflaust ráðast á markatölu. Svíar eru með 30+ í markatölu og Ísland 19+, en Ísland á leik til góða á Svía.
Leikdagur!
— Knattspyrnusambandið (@footballiceland) October 27, 2020
Við mætum SvÃþjóð à dag kl. 17:30 og verður leikurinn à beinni útsendingu á RÚV!
We play Sweden today in the @UEFAWomensEURO qualifying!#LeiðinTilEnglands #dottir pic.twitter.com/XgzXcwhVNC