Malen, Maguire, Rashford, Greenwood, Yoro, Eriksen og fleiri góðir í slúðri dagsins
Valur
3
0
HJK Helsinki
Gunnhildur Yrsa Jónsdóttir '8 1-0
Elín Metta Jensen '19 2-0
Mist Edvardsdóttir '36 , víti 3-0
04.11.2020  -  15:00
Origovöllurinn
Meistaradeild Evrópu
Aðstæður: Norðan gola en fínasta veður og teppið slétt
Dómari: Maika Vanderstichel (FRA)
Maður leiksins: Gunnhildur Yrsa Jónsdóttir
Byrjunarlið:
12. Sandra Sigurðardóttir (m)
3. Arna Eiríksdóttir
5. Gunnhildur Yrsa Jónsdóttir
6. Mist Edvardsdóttir ('92)
7. Elísa Viðarsdóttir
10. Elín Metta Jensen ('75)
11. Hallbera Guðný Gísladóttir (f) ('92)
14. Hlín Eiríksdóttir ('92)
18. Málfríður Anna Eiríksdóttir (f)
21. Lillý Rut Hlynsdóttir
22. Dóra María Lárusdóttir ('82)

Varamenn:
12. Aldís Guðlaugsdóttir (m)
2. Hildur Björk Búadóttir
8. Ásdís Karen Halldórsdóttir ('75)
9. Ída Marín Hermannsdóttir ('82)
15. Bergdís Fanney Einarsdóttir ('92)
17. Thelma Björk Einarsdóttir
24. Karen Guðmundsdóttir ('92)
77. Diljá Ýr Zomers ('92)

Liðsstjórn:
Pétur Pétursson (Þ)
Eiður Benedikt Eiríksson (Þ)
Ásta Árnadóttir
Jóhann Emil Elíasson
María Hjaltalín
Kjartan Sturluson

Gul spjöld:
Mist Edvardsdóttir ('53)

Rauð spjöld:
Leik lokið!
Leiknum er lokið með sigri Vals. Þær verða í pottinum þegar dregið verður á föstudag. Ég ætla skella mér og kanna hvort ég fái einhver viðtöl hér á Origo og koma þau inn síðar í dag ef af verður.
92. mín
Inn:Diljá Ýr Zomers (Valur) Út:Hallbera Guðný Gísladóttir (f) (Valur)
92. mín
Inn:Karen Guðmundsdóttir (Valur) Út:Hlín Eiríksdóttir (Valur)
92. mín
Inn:Bergdís Fanney Einarsdóttir (Valur) Út:Mist Edvardsdóttir (Valur)
90. mín
Þrjár mínútur í uppbótartíma.
88. mín
Fátt að frétta af Origo. Þetta er að fjara hægt og rólega út. Valur að sigla sigrinum heim.
84. mín
Inn:Hanna Ruohomaa (HJK Helsinki) Út:Evalina Parikka (HJK Helsinki)
82. mín
Inn:Alexa Genas (HJK Helsinki) Út:Ria Karjalainen (HJK Helsinki)
Bæði lið gera breytingu.
82. mín
Inn:Ída Marín Hermannsdóttir (Valur) Út:Dóra María Lárusdóttir (Valur)
Bæði lið gera breytingu.
82. mín
Aftur Hlín hægra megin. Nú með fast skot úr teignum sem Anna ver út í teiginn og gestirnir hreinsa.
80. mín
Hlín Eiríksdóttir!

Ein í gegn hægra meginn og á ekkert eftir nema að setja boltann í netið. Ákveður að leika á markmanninn og dansa aðeins með boltann áður en hún setur boltann á markið en þá er varnarmaður mættur á línuna og bjargar.

Illa farið með frábært færi.
75. mín
Inn:Ásdís Karen Halldórsdóttir (Valur) Út:Elín Metta Jensen (Valur)
Elín búinn að hlaupa mikið og skila marki. Verðskulduð hvíld.
74. mín
Linda Ruutu með skot að marki en boltinn rétt framhjá,
73. mín
Elín Metta og Dóra 2 á 2. Elín leggur boltann á Dóru sem er ein gegn markmanni en fyrsta snertingin svíkur hana allsvakalega og boltinn í hendur Önnu sem var mætt val á móti.
70. mín
Í þeim skrifuðu orðum kemst Dóra María upp að endamörkum vinstra megin. Leggur boltann inn í teig á Elínu sem nær ekki að koma boltanum fyrir sig í markteignum og Anna hirðir hann af henni.
70. mín
Mjög rólegt yfir þessu. Bætt talsvert í vind frá því sem var.
65. mín
Gestirnir verið talsvert sprækari í þessum síðari hálfleik en ekki tekist að ógna marki Vals að neinu viti. Leikur Vals þó ekki náð sama flugi á móti þó þær séu enn hættulegri.
63. mín
Inn:Annika Huhta (HJK Helsinki) Út:Emmalina Tulkki (HJK Helsinki)
62. mín
Hin 18 ára Ria Karjalainen með flotta takta úti haægra meginn, nær góðri fyrirgjöf en Sandra rís hæst og hirðir boltann.
61. mín
Ekkert varð úr því og gestirnir bruna upp og sækja sér horn sjálfir. Nóg af hornum þessa stundina.
60. mín
Vindurinn hrifsar hornið og setur Önnu í marki HJK í rosaleg vandræði en hún reddar sér fyrir horn en gefur annað horn.
60. mín
Gunnhildur í færi í teignum eftir góðan sprett Hallberu en boltinn í varnarmann og afturfyrir.
57. mín
Sú franska farin að flauta af miklum móð og tempóið að detta úr leiknum við það.
55. mín
Nea Lehtola með skot beint á Söndru af talsverðu færi.
53. mín Gult spjald: Mist Edvardsdóttir (Valur)
Fer vel hátt með fótinn í baráttu um boltann í teig HJK og fer að mér sýnist í höfðuð leikmanns. Uppsker fyrir það gult spjald.
53. mín
Ria Karjalainen fer niður í teignum og gestirnir að vonast eftir einhverju en sú franska lætur sér fátt um finnast.

Smá pirringur á bekk gestana.
52. mín
Tekið stutt en fyrirgjöfin kemur að lokum og siglir yfir markið. Sandra virtist vera með þetta á hreinu.
51. mín
Gestirnir fá hornspyrnu.
50. mín
Valskonur spæna sig í gegn vinstra meginn og á Gunnhildur fastann bolta í gegnum markteiginn sem siglir framhjá öllum, Vantaði örlitla grimmd í að ráðast á boltann þarna.
48. mín
Byrjar eins og fyrri hálfleikur. Valur að keyra á fullu gasi og pressa gestina hátt .
46. mín
Dóra María með fyrsta skot síðari hálfleiks en beint á Önnu í markinu.
46. mín
Síðari hálfleikur hafinn

Valskonur hefja leik hér í síðari hálfleik og sækja í átt að Öskjuhlíð.
45. mín
Hálfleikur
Engu bætt við hér í fyrri hálfleik á Origo. Staðan virkilega góð fyrir heimakonur sem virðast ætla að eiga leik hér á Origo í desember.

Fyrst þurfa þær reyndar að fara í gegnum aðra umferð í forkeppninni sem verður leikinn 18-19 nóvember næstkomandi og auðvitað að klára þennan leik sömuleiðis.
43. mín
Hlín að vinna sig í góða stöðu við teig gestanna en of lengi að athafna sig og gestirnir ná boltanum og hreinsa.
42. mín
Hallbera með aukaspyrnu sem ratar beint í hendur Önnu í marki gestanna.
39. mín
Sambabolti hjá Val úti hægra meginn en gestirnir bægja hættunni frá.
38. mín
Valskonur eru bara miklu grimmari og betri en þær Finnsku. Fara í hlutina af krafti og áræðni og það er heldur betur að skila sér.
36. mín Mark úr víti!
Mist Edvardsdóttir (Valur)
Sallaróleg á punktinum. Hægt aðhlaup og þéttingsfast nokkuð beint á markið en Anna lögð af stað í hornið.

Brekkan orðin virkilega brött fyrir gestina frá Finnlandi.
35. mín
Gunnhildur Yrsa með frábæran sprett og sækir vítaspyrnu!

Valur getur klárað þennan leik hér í fyrri hálfleik.
31. mín
Mist Edvards í tvöföldu dauðafæri og setur boltann í markrammann af stuttu færi, fær boltann aftur en setur hann yfir í þetta sinn. Valur átti hreinlega að bæta við marki og klára þennan leik þarna.
27. mín
Hallbera setur boltann að marki en Anna í marki HJK hirðir boltann auðveldlega.
26. mín Gult spjald: Nea Lehtola (HJK Helsinki)
Brýtur af sér á hægri vængnum. Valur með aukaspyrnu í fyrirgjafarstöðu.
23. mín
Gestirnir fá horn eftir að aukaspyrna Maaria Roth fer í vegginn og afturfyrir.
19. mín MARK!
Elín Metta Jensen (Valur)
Upp úr algjörlega engu!

Pressar Önnu í markinu sem missir boltann aðeins frá sér sem Elín nýtir sér til hins ítrasta og skorar!

Galið mark að fá á sig en Valskonur þiggja það með þökkum
15. mín
Elín Metta óvænt í frábæru færi eftir að Valur vinnur boltann hátt á vellinum en skot hennar ekki gott og beint á Önnu í marki gestana.
12. mín
Af upphafsmínútum leiksins að dæma er Valur með talsvert sterkara lið en þær Finnsku. Hafa svör við flestum aðgerðum þeirra og eru að spila mjög vel heimakonur.
8. mín MARK!
Gunnhildur Yrsa Jónsdóttir (Valur)
Stoðsending: Hlín Eiríksdóttir
Valskonur eru komnar yfir!!!!

Fara upp hægra meginn þar sem Hlín er með boltann við vítateig hægra meginn með mann í sér. Nær sendingunni inn á teiginn þar sem Gunnhildur nætir og setur boltann í netið af 5-6 metra færi.

Frábær byrjun Vals.
7. mín
Parikka með skot fyrir gestina eftir skyndisókn. Skuggalega ein úti til vinstri en skot hennar þægilegt fyrir Söndru í markinu.
7. mín
Finnska liðið er lítið fyrir langa bolta og reynir að spila sig upp völlinn. Ekki verið árángursríkt hér í upphafi gegn pressu Vals.
4. mín
Hápressa hjá Val sem ætla ekki að gefa gestunum neinn tíma á boltanum.

Eru að vinna boltann trekk í trekk hátt á vellinum.
3. mín
Rosalegur barningur í teignum þar sem boltinn skoppar manna á milli. Sýnist það vera Gunnhildur sem skóflar boltanum að lokum yfir í gegnum þéttan pakkann.
2. mín
Valur fær horn. Hlín með boltann úti hægra meginn og sækir þetta horn.
1. mín
Leikur hafinn
Þetta er farið af stað hér á Origo. Það eru gestirnir sem hefja leik.

Sérstakt shoutout á vallarþul Vals fyrir framúrskarandi framburð á finnsku nöfnunum.
Fyrir leik
Liðin hafa lokið upphitun og eru komin til klefa til lokaundirbúnings. Styttist óðum í leik.

Verður að segjast að það er ansi napurt úti, Þeir fáu sem í stúkunni mega vera eru vel klæddir og verður vonandi ekki kalt.
Er feginn að sitja inni.
Fyrir leik
Eftir talsvert basl eru liðin mætt í stikuna hér sitthvoru megin við lýsinguna. Sterkt Valslið sem mætir til leiks í dag og ljóst að allt verður lagt í sölurnar til þess að ná sigri.
Fyrir leik
Allt að verða klárt

Hér á Origo líður að leik og allt er að verða klárt. Ströngum sóttvarnarreglum fylgt og ítrustu varúðar gætt. Allir hitmældir við inngöngu og þeir sem að leiknum koma á og við leikvöllinn hafa farið í skimun.
Fyrir leik
Eiður Ben Eiríksson annar af þjálfurum Vals spjallaði við Fótbolta.net á dögunum um verkefni dagsins og sagði um möguleika Vals.

Við erum með sterkara lið og teljum okkur vera sigurstranglegri aðilinn í þessu einvígi. Við förum í leikinn til þess að vinna og tryggja okkur áframhaldandi þáttöku í keppninni. Við gerum okkur grein fyrir því að HJK er með hörku lið, en ef við spilum okkar leik að þá klárum við þetta verkefni.

Ennfremur talaði hann um lið HJK og hversu vel Valsliðið hefði skoðað andstæðinginn.

Við vitum ansi mikið um andstæðinginn. Þær eru vel spilandi lið sem spilar ekkert ólíkt Breiðablik karla liðinu. Þær spila úr öllu sem þær gera. Markmaðurinn kemur hátt á völlinn og tekur þátt í uppspili liðsins.
Þær eru vel skipulagðar varnarlega og eru mjög þéttar.
Fyrir leik
Leikurinn er líkt og áður segir liður í forkeppni Meistaradeildar Evrópu og fer sigurliðið áfram í næstu umferð sem leikinn verður um miðjan desember.
Venjan hefur verið sú að liðin mætist heima og að heiman en í þetta sinn er aðeins einn leikur á þessu stigi keppninar en komist Valur áfram verður leikið heima og að heiman í þeirri næstu.
Fyrir leik
Það er vægt til orða tekið að leikurinn fari fram við sérstakar aðstæður. Bann hefur verið lagt á íþróttir almennt hér á landi undanfarna daga og fer leikurinn fram með undanþágu frá yfirvöldum. Væntanlega hafa takmarkanir þó haft eitthvað að segja um undirbúning Valsliðsins sem hefur ekki spilað leik í mánuð.
Fyrir leik
Komið þið sæl og verið velkomin í beina textalýsingu Fótbolta.net frá leik Vals og HJK Helsinki í forkeppni Meistaradeildar Evrópu.
Byrjunarlið:
1. Anna Koivunen (m)
2. Maaria Roth
4. Nea Lehtola
5. Mimmi Nurmela
6. Linda Ruutu
7. Emmalina Tulkki ('63)
8. Kristina O'Donnell
9. Ria Karjalainen ('82)
11. Evalina Parikka ('84)
14. Katarina Kosola
19. Essi Sainio

Varamenn:
12. Kia Keikkonen (m)
13. Karina Kork
16. Fanni Pietkanen
17. Annika Huhta ('63)
20. Alexa Genas ('82)
21. Ella Pesonen
22. Tuuli Siponen
23. Ella Burton
27. Tessa Rinkinen
29. Hanna Ruohomaa ('84)
31. Elina Myllymaki

Liðsstjórn:
Jonne Kunnas (Þ)
Arttu Heinonen

Gul spjöld:
Nea Lehtola ('26)

Rauð spjöld: