Byrjunarliðin eru komin inn, eina athugunarverða er að Sandra Nabweteme er á bekk Þórs/KA. Einnig er Miranda Smith á bekknum en hún hefur ekki spilað mikið á undirbúningstímabilinu.

Byrjunarlið ÍBV er svipað og það hefur verið í síðustu æfingaleikjum. Fyrir utan það að Annie Williams er ekki í hóp þar sem hún hefur ekki fengið leikheimild.

ÍBV skoraði aðeins 16 mörk á síðasta tímabili og eru búnar að missa 5 af 7 markaskorurum liðsins frá því í fyrra. Meðal annars markahæsta leikmann liðsins í fyrra Karlinu Miksone.

En Delaney Baie nýr leikmaður ÍBV hefur verið að skora mikið á undirbúnings tímabilinu og ÍBV treystir á að hún skori mörkin í sumar. ÍBV fengu síðan Clöru Sigurðardóttir aftur heim frá Selfossi og mun hún stýra miðju liðsins í sumar. Liana Hinds er einnig spennandi leikmaður en hún er landsliðsmaður Trínidad og Tóbagó og getur leyst nánast allar stöður á vellinum.

Antoinette Williams verður ekki með ÍBV í dag en hún er ekki komin með leikheimild.

Þór/KA hafa fengið Söndru Nabweteme sem á að leiða sóknarleik liðsins í sumar og Colleen Kennedy sem er kantmaður sem býr yfir miklum hraða. Auk þess fengu þær Miröndu Smith sem er Kanadískur miðjumaður.

Arna Sif fyrirliði Þórs/KA verður ekki með í dag þar sem hún er á láni hjá Glasgow City í Skotlandi og missir af fyrstu 3 leikjum mótsins.

Góðan dag og verið velkomin í beina textalýsingu úr fyrsta leik Pepsí - Max kvenna, leik ÍBV og Þórs/KA. Leikið er á iðagrænum Hásteinsvelli sem hefur sjaldan litið betur út.

Búast má við hörkuleik í fyrsta leik mótsins en bæði þessi lið eru búin að bæta við sig töluverðum mannskap í vetur.