Liðin koma hér hlaupandi út á völlinn og vallarþulurinn kynnir liðin til leiks.

Síðastir koma út dómararnir.

Óskar og Haukur fara í uppkastið, Óskar vinnur það og velur að byrja á að sækja í átt að Meistaravöllum, Valur byrjar þá með boltann.

Liðin fara inn í klefa eftir upphitun og Maggi Bö skrúfar frá vökvunarkerfinu, það á að bleyta vel upp í vellinum fyrir stórleikinn!

Liðin eru mætt út á völl að hita, Bóas er sestur með sinn borgara og Siggi Helga er farinn að arka um stúkuna í gæsluvesti, allt eins og það á að vera fyrir svona stórleik!

Byrjunarliðin eru klár hér til hliðar.

Nánar má lesa um þau með því að smella hér.

Dómarateymið

Ekki af verri endanum í kvöld!

Pétur varðstjóri sér um að flauta þennan leik, honum til aðstoðar eru þeir Birkir Sigurðar og Bryngeir Valdimars, öflugt aðstoðardómarateymi.

Fjórði dómari er Aðalbjörn Heiðar og eftirlitsmaður í stúkunni er enginn annar en Gunnar Jarl!

Stórskotalið á vegum KSÍ hér í kvöld.

Það eru talsverðar líkur á því að við fáum að sjá Kjartan Henry klæðast KR-treyjunni á ný í kvöld.

Nágrannaslagur

Þetta er sannkallaður stórslagur milli tveggja af stærstu liðum íslenskrar knattspyrnusögu, einnig er bara flugvöllurinn sem sker á milli hverfanna og er þetta því nágrannaslagur með skemmtilegum ríg.

KR-ingar hafa oftast orðið íslandsmeistarar, eða í 27 skipti og Valsarar næstoftast, í 22 skipti.

Frá upphafi hafa liðin mæst 153 sinnum, 59 KR sigrar, 53 Vals sigrar og 41 jafntefli, þokkalega jöfn skipti á þessu.

Ef við tökum bara fyrir leiki í efstu deild að þá hefur Valur vinninginn með 44 sigra á móti 43 sigrum KR og 33 jafntefli í 120 leikjum.

Rikki G:

KR - Valur eru alltaf alvöru slagir. Ég sé þetta ekki alveg sem einhvern markaleik í kvöld. Held að báðir þjálfarar leggi mjög mikið upp úr því að tapa ALLS EKKI í kvöld og þá gæti þetta orðið steindautt jafntefli sem ég hef á tilfinningunni að svo verði. 1-1 segir mín tilfinning. Annað liðið jafnar seint í leiknum.

Valur

Ríkjandi meistararnir, Valsarar hafa byrjað tímabilið fantavel, sigrar gegn ÍA og HK á heimavelli og sóttu svo sterkt stig gegn FH í Kaplakrika þar sem Valsarar voru manni færri lungað af leiknum.

Valur styrkti liðið vel fyrir mót með leikmönnum eins og Tryggva Hrafni og Arnóri Smára, en hvorugur hefur náð að spila fyrir liðið vegna meiðsla, þannig það vantar enn stóra leikmenn inn í Íslandsmeistarana en það hefur ekki haft teljandi áhrif á liðið til þessa eftir fyrstu þrjá leikina þar sem 7 stig er bara vel ásættanlegt.

Valsarar ætla sér ekkert minna en titilinn í ár og sigur hér fleytir þeim áfram í þeirri vegferð.

KR

Heimamenn hafa heldur betur ollið vonbrigðum í upphafi tímabils þrátt fyrir hrikalega sterka byrjun á tímabilinu með 2-0 sigri á Breiðablik.

Í kjölfarið tapaði KR heima gegn KA og gerði svo jafntefli við Fylkismenn í Árbænum, 4 stig á töflunni og öll komið á útivelli, hvað gera þeir á heimavelli í dag?

KR-ingar fengu risastóran bita á lokadegi gluggans um daginn, Kjartan Henry. Umræðan hefur verið á þann veg að það komi aldeilis pressa inn með honum og þá sérstaklega á hann sjálfan, verður fróðlegt að sjá hvernig hann kemur inn í lið KR, reikna með að hann byrji í dag.

Góða kvöldið gott fólk og verið velkomin í beina textalýsingu frá stórleik kvöldsins!