Liðin ganga hér inn á völlinn

Loksins ganga liðin saman inn á völlinn en ekki í sitthvoru lagi.

Sigurvin vinnur uppkastið og ákveður að velja vallarhelminginn sem þýðir auðvitað að Vestri byrjar með boltann.

Fólk er hægt og rólega byrjað að týnast inn í stúkuna, veðurguðirnir ekki að fara jafn vel með okkur og við viljum en fínasta fótboltaveður samt sem áður.

Hálftími í leik og mér sýnist enginn ætla að nýta sér pylsutilboð Gróttu fyrir leik. Einn mættur í stúkuna og hann ekki með pylsu en það þýðir bara að það sé nóg til. Held að ég stökkvi í málið og byrji söluna.

Axel Sigurðsson er í liðstjórn Gróttumanna í dag en hann er kominn aftur til landsins í bili úr háskólaboltanum í Bandaríkjunum og tekur slaginn með Gróttu í sumar.

Liðin eru komin út í upphitun.

Byrjunarliðin eru klár!

Gústi Gylfa gerir 4 breytingar á liði sínu frá tapinu gegn Fjölni. Út fara Jón Ívan Rivine, Ólafur Karel, Sölvi Björnsson og Júlí Karlsson. Hákon Rafn kemur aftur í byrjunarlið Gróttu eftir meiðsli, og það sama með Sigurvin Reynisson. Einnig kemur hinn bráðefnilegi Kjartan Kári Halldórsson aftur inn í liðið og varafyrirliðinn Halldór Kristján Baldursson kemur einnig einn í varnarlínu Nesmanna.

Vestri gerir 2 breytingar sín megin frá sigrinum í Laugardalnum. Úr byrjunarliðinu fara Nacho Gil sem hefur líklega meiðst, við fáum að heyra betur af þessu síðar og einnig kemur út Segine Modou Fall. Inn fyrir þá koma Viktor Júlíusson og Casper Hansen. Vestramenn eru aðeins með 5 varamenn í dag því verður áhugavert að sjá hvort það muni trufla þá seint í leiknum.

Gaman er að segja frá því að það verða veitingar í boði fyrir þá stuðningsmenn sem mæta snemma á völlinn svo ekki hika við að mæta fyrr og horfa á gosið yfir flóann ef þú ætlar.

2 leikmenn Gróttu hafa áður spilað með Vestra, þeir Gunnar Jónas Haukson aka Guzcut spilaði seinustu tvö tímabil fyrir Vestra og fékk hann vin sinn Gabríel Hrannar Eyjólfsson með sér eftir hálft tímabil 2020.

Spá leiksins

Spámaður Fótbolta.net fyrir 3. umferð Lengjudeildarinnar var Axel Óskar Andrésson leikmaður Riga FC í Lettlandi og hafði hann þetta að segja um leikinn.

Grótta 3 - 2 Vestri
Hörkuleikur á nesinu. Gústi Gylfa veit hvað hann syngur og knýr fram sterkan sigur gegn flottu Vestra liði.

Dómarar leiksins

Dómari leiksins verður Gunnþór Steinar Jónsson og honum til aðstoðar verða Óli Njáll Ingólfsson og Kristján Már Ólafs. Eftirlitsmaður í dag verður Frosti Viðar Gunnarsson.

Vestri

Vestri situr með fullt hús stiga í 3. sæti deildarinnar eftir 2 leiki. 3-0 útisigur á Selfoss og 3-1 útisigur á Þrótti gerir þetta þeirra þriðja útileik í röð og það hefur sést að þeir eru mjög sigurstranglegir þegar þeir koma í heimsókn.

Grótta

Gróttumenn koma inn í þennan leik á tapi gegn Fjölni 1-0. Fyrir það unnu þeir Þór 4-3 í æsispennandi leik og sitja því núna í 7. sæti deildarinnar eftir 2 leiki. Gústi Gylfa mun vilja sjá sína menn stíga upp í dag og koma inn marki snemma.

Markaskorun

Markahæstu leikmenn liðanna eru þeir Pétur Theódór Árnason hjá Gróttumönnum en hjá Vestramönnum þeir Nicolaj Madsen og Vladimir Tufegdzic.

Pétur er með 3 mörk í þeim 2 leikjum sem þeir hafa spilað í deildinni í sumar en þó komu öll þau mörk í fyrsta leik liðsins gegn Þór hér á Vivaldi og verður spennandi að sjá hvort hann haldi markaskoruninni gangandi á heimavelli.

Nicolaj og Vladimir hafa saman skorað 4 af 6 mörkum Vestri í deildinni. Þeir eru alltaf hættulegir og einnig spennandi að sjá hvort þeir standi sig í dag.

Liðin hingað til

Leikurinn verður leikinn á Vivaldivellinum á Seltjarnarnesi og mæta bæði lið vel gíruð í þennan leik.

Bæði þessi lið hafa klárað 2 leiki hingað til í sumar og hafa Vestri unnið þá báða og leitast eftir því hér að halda fullu húsi stiga. Grótta kemur inn í þennan leik á tapleik gegn Fjölni uppí Grafarvogi og munu vilja hefna þess hér í dag.

Góðan daginn gott fólk og verið velkomin í beina textalýsingu á leik Gróttu og Vestra í 3. umferð Lengjudeild karla.

Það er risa stemning í dag á Nesinu. The Vivaldi hooligans mæta með Arnar Ax leading the pack, Seltjarnarneslaug nýopin aftur eftir þrif og daytime drinking í hófi á Rauða Ljóninu strax eftir leik.

Búumst við VEISLU!!!