Byrjunarliðin eru klár

Byrjunarliðin eru komin inn. Hjá heimamönnum eru þrjár breytingar frá 3-0 sigrinum gegn Fjölni í síðustu umferð. Orri Sigurjónsson er ekki í hópnum, Vignir Snær Stefánsson sest á bekkinn og Alvaro Montejo hefur yfirgefið félagið og haldið heim til Spánar.

Jóhann Helgi Hannesson, Liban Abdulahi og Bjarki Þór Viðarsson koma inn í byrjunarliðið.

Vestri gerir eina breytingu á sínu liði frá 3-0 tapi gegn ÍBV í síðustu umferð. Benedikt Waren lánsmaður frá Breiðablik kemur inn í liðið í stað Elmars Atla Garðarson. Markvörðurinn Steven van Dijk gekk til liðs við Vestra í gær en hann er á bekknum í dag.

Þórður Gunnar Hafþórsson, leikmaður Fylkis, spáir í leiki níundu umferðar.

Þór 0 - 4 Vestri
Spái mínum mönnum í Vestra 0-4 sigri þar sem Guðmundur Arnar setur 2 með hægri og leggur upp hin 2 á Pétur Bjarna og Viktor Júll.

Það eru nú ekki skemmtilegar minningar héðan frá leiknum á síðustu leiktíð þegar Elmar Atli Garðarsson lá lengi eftir samstuð og þurfti að kalla eftir sjúkrabíl og kom í ljós að hann var viðbeinsbrotinn.

Það var miklu bætt við fyrri hálfleikinn en leiknum lauk með 1-0 sigri Vestra en markið kom á 23. mínútu uppbótartíma í fyrri hálfleik. Markið skoraði Ignacio Gil sem fór einmitt til Vestra frá Þór.

Það stefnir í hörku leik þar sem liðin eru á svipuðu róli í deildinni. Heimamenn í 7. sæti með 10 stig eftir 8 leiki en gestirnir eru í sætinu fyrir ofan með tveimur stigum meira.

Góða kvöldið og verið velkomin í textalýsingu frá leik Þórs og Vestra í Lengjudeild karla.

Leikurinn fer fram á SaltPay vellinum á Akureyri og hefst kl 18:00.