Búið að velja upphafið.

Keflavík velur að sækja frá Garðatorgi í fyrri hálfleik en Stjarnan hefur leik.

Þetta vil ég sjá!

Dómaratríó í svörtu. Þorvaldur að koma í fyrsta leik sinn í Pepsimax eftir meiðsli og mætir hérna vel skorinn, sólbrúnn í stuttermabol með FIFA merkið á brjóstinu.

Sé þetta ekki klikka!

Lokahnykkurinn fer nú fram í búningsklefunum á stúkunni.

Keflvíkingar verða alhvítir í leik dagsins svona miðað við varamennina sem eru nú að rífa sig úr jökkunum.

Það er enn nægt pláss í stúkunni og mér heyrist vængirnir í vagninum hér fyrir utan vera ansi öflugir. Skella sér á völlinn.

Upphitun í fullum sving þessa stundina.

Þjálfarar liðanna labba um yfirvegaðir, menn virðast hafa sameinast um göngulag...menn fara rólega um völlinn með hendur aftan við bak. Svo þegar tala á saman þá eru þær lagðar yfir brjóstkassann. Stílistar á ferð?

Að venju eru markmannsþjálfararnir á fullu. Þeir hafa engan tíma í hægt krosshandalabb!

Að venju er það þannig að ef einhver vill bæta inn í umræðuna þá er það einfalt mál.

Skrifa inn á twitter eitthvað um leikinn, setja inn í textann myllumerkið #fotboltinet og það gæti ratað inn i lýsinguna.

Koma svo!

Dómaratríóið liggur klárt.

Þorvaldur Árnason verður þar með flautuna, honum til aðstoðar með flögg og míkrófóna eru Jóhann Gunnar Guðmundsson og Ragnar Þór Bender.

Helgi Mikael Jónasson er fjórði dómari og Ingi Jónsson sinnir eftirliti.

Þjálfari Stjörnunnar tekur á móti fyrrum lærisveinum sínum.

Þorvaldur Örlygsson stýrði Keflvíkingum árin 2016 í næstefstu deild áður en hann fór í fullt starf við þjálfun yngri landsliðanna. Undir hans stjórn lentu Keflvíkingar í þriðja sæti þeirrar deildar.

Rajko Stanisic hefur starfað sem markmannsþjálfari hjá Keflavík en í leikmannahópi heimamanna er enginn leikmaður sem hefur klæðst treyju Keflvíkinga.

Sama á við hjá gestunum, enginn þar hefur tengingu við Stjörnuna.

Leikurinn í maí var númer 23 milli þessara liða í efstu deild.

Stjörnumenn hafa vinninginn í innbyrðis viðureignum liðanna, með 10 sigra. Keflavík hefur unnið 7 leiki og 6 sinnum orðið jafntefli.

Markatalan í leikjunum er 39 - 28, Stjörnunni í vil.

Keflvíkingar tóku á móti Stjörnumönnum í fyrstu umferð mótsins og unnu 2-0 sigur.

Frans Elvarsson og Kian Williams skoruðu mörk þeirra á HS-orku vellinum í maí. Þá var ákveðinn múr rofinn því í átta leikjum liðanna þar á undan hafði Keflavík ekki unnið sigur.

Gestirnir frá Keflavík sitja í 10.sætinu með 10 stig en hafa leikið einum leik færra en flest liðanna í kringum þá.

Með sigri á Stjörnumönnum í dag myndu þeir hoppa upp fyrir þá í töflunni og gætu því setið í sjötta sætinu eftir daginn.

Fyrir leikinn sitja Stjörnumenn í 6.sæti með 13 stig.

Þeir eru hrokknir í gírinn eftir hroðalega byrjun og hafa unnið síðustu þrjá leiki. Í síðustu umferð fóru þeir á KR-völlinn og unnu 2-1, það voru einnig lokatölurnar í heimasigrum við HK og Val í leikjunum þar á undan.

Með sigri í dag færi Stjarnan uppfyrir KR og í fimmta sæti deildarinnar.

Leikurinn er liður í 12.umferð deildarinnar og þar með er seinni helmingur hennar hafinn.

Alls konar beygjur eru þó á leiðinni, sum lið eru komin í 12 leiki á meðan önnur eru að spila færri. Þannig eru Keflvíkingar í dag að leika sinn tíunda leik í mótinu.

Góðan og blessaðan daginn og velkomin í beina textalýsingu frá Samsungvellinum þar sem Keflvíkingar eru komnir í heimsókn til Stjörnumanna.