Hinum leik dagsins í deildinni er lokið og endaði hann með 1-1 jafntefli þar sem Colleen Kennedy skoraði mark Akureyringa en Hanna Kallmaier skoraði mark ÍBV.

Tuttugu mínútur í leik og leikmenn og dómarar að hitna með hverri sekúndunni. Þetta verður proper football match, það sést strax.

Þeir fengu ennað óskalag og nú er það af dýrari gerðinni, Three Lions er komið á fóninn og mér sýnist Nik vera farinn að stíga bresku danssporin. ,,Get him on strictly!" heyrist hérna úr stúkunni.

Bretarnir í þjálfarateymi Þróttara fengu eitt óskalag en völdu eitthvað leiðinlegasta lag sem ég hef heyrt, dæmi þó ekki en þetta er ekki mjög vinsælt í fréttamannastúkunni.

Aðstaðan fyrir okkur fjölmiðlamenn hérna í Laugardalnum er í þeim allra hæsta gæðaflokki. Fríar veitingar og útsýnið yfir völlinn frábært.

A+ einkun á Þróttarana fyrir þessa aðstöðu, tel líklegt að Hansi Sævarss hafi séð um að mála hérna inni enda hef ég varla séð það málað betra.

Spáin

Spámaður 10. umferðar Pepsi-Max deildar kvenna hjá Fótbolta.net er afmælisbarnið Orri Rafn Sigurðarson. Innilega til hamingju með daginn Orri en spáin hans fyrir leikinn er þessi.

Þróttur R. 1 - 1 Tindastóll (16 í dag)
,,Tindastóll eru fullar sjálfstrausts eftir geggjaðan sigur gegn Stjörnunni í síðustu umferð. Þróttur var með unninn leik í höndunum gegn Breiðablik, en töpuðu því niður á seinustu mínútunum og það situr aðeins í þeim. Katie Cousins skorar fyrir Þrótt, en Laufey Harpa teiknar boltann á ennið á Murielle sem jafnar fyrir Tindastól. Óskar Smári fær svo gult spjald á hliðarlínunni fyrir kjaftbrúk þegar hann vill fá vítaspyrnu. Guðni róar hann niður og passar upp á að hans stúlkur haldi einbeitingu og sæki stigið."

Byrjunarliðin eru komin inn

Tindastóll gerir skiljanlega engar breytingar á sínu liði frá sigrinum í Garðabænum á meðan Þróttur gera aðeins eina breytingu frá seinasta leik sínum en þá kemur Lea Björt Kristjánsdóttir inn fyrir hana Elísabet Freyju Þorvaldsdóttur.

Deildin í dag

Aðeins einn annar leikur verður spilaður í Pepsi-Max deildinni í dag og verður hann spilaður kl 14:00 en annar leikur í kvennaboltanum er spilaður í dag í 2. deild kvenna.

Pepsi-Max deild kvenna
14:00 Þór/KA-ÍBV (SaltPay-Völlurinn)

2. deild kvenna
16:00 Sindri-ÍR (Sindravellir)

Dómgæslan

Dómari leiksins er Gunnar Freyr Róbertsson og með honum verða þeir Daníel Ingi Þórisson og Tryggvi Elías Hermannsson. Eftirlitsmaður er Jón Sveinsson.

Tindastóll

Stólarnir eru fullar sjálfstrausts eftir lífsnauðsynlegan 0-1 útivallarsigur á sterku liði Stjörnunnar en var Amber Kristin Michel valin leikmaður umferðarinnar eftir þann leik, hún hefur verið ótrúlega góð í marki Tindastóls á tímabilinu. Tindastóll geta farið upp í 7. sæti með sigri í dag og þá fyrsta skiptið síðan í 5. umferð sem þær komast upp úr fallsæti.


Amber Michel

Þróttur

Þróttararnir koma inn í þennan leik eftir virkilega svekkjandi 3-2 tap gegn íslandsmeisturunum í seinustu umferð þar sem 2 mörk Blika á seinustu 3 mínútum leiksins innsiglaði sigurinn. Það er því góður pirringur í Þrótturum og það er ekkert annað í boði fyrir þær í dag heldur en 3 stig.

Leikurinn er spilaður á Eimskipsvellinum í Laugardalnum, heimavelli Þróttar og hefst leikurinn á slaginu 16:00 og ekki sekúndu fyrr né seinna. Veðrið er fínt hér sunnan og vestan heiða og vonum við að það haldist svoleiðis út leikinn.

Þetta verður pottþétt geggjaður leikur og hin FULLKOMNA upphitun fyrir úrslitaleik EM karla síðar í dag. (Held hreinlega að ég myndi frekar horfa á þennan)

Góðan og blessaðan daginn gott fólk og verið velkomin á þessa beinu textalýsingu á leik Þróttar og Tindastóls í Pepsi-Max deild kvenna!