Fyrir leik
Liðin ganga út á völlinn. Breiðablik spilar í grænum treyjum með hvítum ermum. Racing spilar í ljósbláu.

Það er skýjað og tólf stiga hiti í Kópavogsvelli.
Eyða Breyta

Fyrir leik
Uppstilling Racing skv. UEFA:
Ruffier
Hennetier - Simon - Skenderovic - Buch
Holter
Tafer - Simon - Pokar - Mabella
Dembele
Eyða Breyta

Fyrir leik
Líkleg uppstilling Breiðabliks:
Samkvæmt vef UEFA eru Blikar í leikkerfinu 4-4-2.

Svona sé ég þetta samt.

Anton Ari
Höskuldur - Damir - Viktor Örn - Davíð
Alexander Helgi
Viktor Karl
Jason Daði - Kristinn - Gísli
Thomas
Eyða Breyta

Fyrir leik
Byrjunarlið gestanna:
Engin breyting er á því.

Yann Mabella er í liðinu og skoraði hann bæði mörk liðsins í fyrri leiknum.

Fréttaritari sér einnig Yannis Tafer sem uppalinn er hjá Lyon og leikið hefur með Lyon, Toulouse og St. Gallen a´sínum ferli. Hann á þá fjölda leikja fyrir yngri landslið Frakka.

Tafer og Mabella eru á köntunum hjá Racing.
Eyða Breyta

Fyrir leik
Byrjunarliðin hafa verið opinberuð:
Óskar Hrafn Þorvaldsson, þjálfari Breiðabliks, gerir engar breytingar frá fyrri leiknum sem fram fór fyrir viku.

Breiðablik lenti 2-0 undir í fyrri leiknum í Lúxemborg en kom til baka og skoraði Damir Muminovic sigurmark undir lokin. Áður höfðu þeir Gísli Eyjólfsson og Thomas Mikkelsen skorað fyrir Blika.
Eyða Breyta

Fyrir leik
Af blikar.is
Leikurinn við Racing FC Union Lëtzebuerg verður 17. Evrópuleikur Breiðabliks frá upphafi og annar innbyrðis leikur liðanna. Leikirnir 16 til þessa, allir á árunum 2010-2021, voru gegn 9 mismunandi liðum í 9 löndum.

Fyrsti Evrópuleikur Blikaliðsins var gegn Motherwell í Skotlandi árið 2010. Önnur lið sem Blikaliðið hefur mætt í Evrópukeppnum eru Rosenborg (2011 og 2020**), Vaduz (2019), Jelgava (2016), Aktobe (2013), Sturm Graz (2013), Santa Coloma (2013) og nú Racing Union FC (2021). **í fyrra (2020) var undankeppnin bara einföld umferð vegn Covid-19.
Eyða Breyta

Fyrir leik
Dómarar frá Úkraínu

Dómari leiksins er Vitaliy Romanov og honum til aðstoðar eru Semen Shlonchak og Andrii Skrypka. Andryii Kovalenko er svo fjórði dómari.

Romanov dæmir í efstu og næstefstu deild í Úkraínu. Hann á svo að dæma leik Ujpest og Vaduz í næstu viku.
Eyða Breyta

Fyrir leik
Engin útivallarmarkaregla
Breiðablik er 3-2 yfir eftir fyrri leikinn en þar sem útivallarmarkareglan er ekki lengur í gildi er eins og staðan sé einfaldlega 1-0.

Ef Racing er yfir með einu marki að loknum venjulegs leiktíma er gripið til framlengingar.
Eyða Breyta

Fyrir leik
Damir Muminovic var einnig til viðtals á sunnudag.

Smelltu hér til að sjá viðtalið

,,Það var gaman að spila þennan leik, karakterssigur eftir að hafa lent 2-0 undir. Þetta er mjög fínt lið, alls ekki eitthvað djók lið eins og einhverjir halda. Gott að vinna þá og vera yfir," sagði Damir um fyrri leikinn.
Eyða Breyta

Fyrir leik
Fótbolti.net ræddi við Óskar Hrafn Þorvaldsson, þjálfara Breiðabliks, á sunnudag. Óskar var spurður út í fyrri leikinn og seinni leikinn sem fram fer í kvöld.

Þið eruð ekkert að fara inn í leikinn og í það að verja þessa eins marks forystu eða hvað?

,,Nei, við kunnum það í raun og veru ekki. Við munum reyna að fara út á fullri ferð, taka frumkvæðið. Við erum á heimavelli, velli sem okkur líður vel og það eina sem er í stöðunni er bara að taka leikinn til þeirra, taka frumkvæðið strax og keyra upp hraðann."

,,Þeir eru komnir á seinni hlutann á undirbúningstímabilinu sínu og eru kannski ekki komnir í þá leikæfingu sem þeir hefðu viljað. Það er okkar að gefa þeim ekki tækifæri til að ná einhverju frumkvæði, við þurfum að vera með það og það er þannig sem við munum nálgast leikinn," sagði Óskar.

Viðtalið í heild má sjá hér að neðan.

Eyða Breyta

Fyrir leik
Góðan daginn lesendur góðir. Veriði velkomnir í beina textalýsingu frá leik Breiðabliks og lúxemborgska liðsins Racing Union sem fram fer á Kópavogsvelli í kvöld og hefst leikurinn klukkan 19:00. Sæbjörn Steinke heiti ég og textalýsi leiknum frá vellinum.

Um er að ræða seinni leik liðanna í 1. umferð forkeppni Sambandsdeildarinnar. Staðan í einvíginu er 3-2 fyrir Breiðabliki eftir fyrri leikinn í Lúxemborg.
Eyða Breyta