Fyrir leik
Liðin ganga hér út á völlinn. Heimamenn eru í sínum hvítu treyjum og rauðum stuttbuxum. Eyjamenn eru í bláu frá toppi til táar.
Eyða Breyta

Fyrir leik
Byrjunarliðin eru klár

Þór gerði markalaust jafntefli gegn Fjölni á laugardaginn. Það er ein breyting á liðinu frá þeim leik. Jóhann Helgi sem bar fyrirliðabandið í þeim leik sest á bekkinn og Ásgeir Marinó Baldvinsson tekur hans stöðu. Orri Sigurjónsson ber fyrirliðabandið í dag.

ÍBV eru að koma úr sóttkví en það eru rúmar tvær vikur síðan þeir léku síðast. Það eru tvær breytingar á liðinu sem vann Kórdrengi í síðasta leik liðsins. Óskar Elías Zoega Óskarsson og Atli Hrafn Andrason koma inn í liðið og Ísak Andri Sigurgeirsson og Eiður Aron Sigurbjörnsson víkja. Eiður er í banni.

Eyða Breyta

Fyrir leik
Heimasigur í Eyjum

ÍBV vann fyrri leikinn á heimavelli með tveimur mörkum gegn einu. Stefán Ingi Sigurðarson kom Eyjamönnum yfir en Jóhann Helgi Hannesson jafnaði fyrir Þór. Guðjón Ernir Hrafnkelsson tryggði ÍBV sigurinn á 93. mínútu. Eyjamenn spiluðu manni færri síðustu 25 mínúturnar en Nökkvi Már Nökkvason fékk að líta rauða spjaldið á 65. mínútu.
Eyða Breyta

Fyrir leik
Frítt á völlinn

Aðgangur á leikinn er ókeypis fyrir öll sem vilja, en gestir verða þó að sækja sér frímiða í Stubbi til að skrá sig samkvæmt sóttvarnareglum.
Eyða Breyta

Fyrir leik
Spáin

Þessi leikur er liður í 17. umferð en Ástbjörn Þórðarson, leikmaður Keflavíkur og fyrrum leikmaður Gróttu og Víkings Ólafsvíkur, er spámaður umferðarinnar. Spurning hvort hann myndi spá leiknum öðruvísi í dag...

Þór 1- 2 ÍBV

Þetta verður hörkuleikur. Eyjamenn þurfa sigur til að halda Kórdrengjunum frá sér og þeim til mikillar gleði verða KA menn á línunni. Atli Hrafn klárar leikinn með marki og stoðsendingu, 1-2 fyrir ÍBV.
Eyða Breyta

Fyrir leik
Sóttkví

Eyjamenn eru búnir að vera í sóttkví að undanförnu og liðið er aðeins búið með 16 leiki á meðan flest lið eru búin með 18-19 leiki. Liðið er hinsvegar í 2. sæti deildarinnar einu stigi á undan Kórdrengjum sem eru búnir með 18 leiki. Það eru rúmar tvær vikur síðan ÍBV steig síðast út á fótboltavöll en þá unnu þeir einmitt Kórdrengi með einu marki gegn engu.


Sito markaskorari Eyjamanna gegn Kórdrengjum.
Eyða Breyta

Fyrir leik
Markaþurrð

Það hefur gengið afar illa hjá Þór að undanförnu en liðið hefur aðeins unnið einn leik af síðustu sjö og ekki skorað eitt einasta mark í fimm leikjum í röð.

Þór er í 10. sæti deildarinnar en með sigri fer liðið upp í 7. sæti.

Jóhann Helgi þarf að reima á sig markaskóna ef Þór ætlar að skora
Eyða Breyta

Fyrir leik
Góðan daginn og verið velkomin í beina textalýsingu frá leik Þórs og ÍBV. Leikurinn fer fram á SaltPay-Vellinum, heimavelli Þórs og hefst kl 17:30
Eyða Breyta