Fyrir leik
Ein breyting á liði Kharkiv:
Anastasiya Voronina kemur inn fyrir Iryna Kochnyeva
Eyða Breyta

Fyrir leik
Ein breyting á liði Breiðabliks:
Alexandra Soree kemur inn fyrir Karen Maríu.
Eyða Breyta

Fyrir leik
Youtube útsendingin:


Eyða Breyta

Fyrir leik
,,Eins og að vera atvinnumaður á Íslandi"
Agla María Albertsdóttir og Telma Ívarsdóttir, leikmenn Breiðabliks, voru gestir í Heimavellinum þar sem þær ræddu um þáttöku liðsins í Meistaradeildinni. Agla hefur tekið þátt í Meistaradeildinni en segir tilfinninguna af keppninni öðruvísi núna.

,,Maður er komin með ágætis reynslu í þessu, en að fara í riðlakeppnina er öðruvísi. Að spila svona marga leiki og vera í hörku prógrammi langt fram í desember; þetta er eins og að vera atvinnumaður á Íslandi," segir Agla.

Agla og Telma eru báðar hluti af landsliðshópi Íslands og eru þær báðar í námi með fótboltanum. Þær segja erfitt að halda mörgum boltum á lofti - það sé mjög krefjandi - en gangi yfirleitt að lokum.

Í riðlinum hefur Real Madrid verið erfiðasti andstæðingurinn. ,,Já, klárlega. Við hefðum getað gert sumt betur gegn þeim, en á sama tíma eru þær svo fljótar og erfitt að klukka þær. Ef maður ber saman Real Madrid og PSG, þá er PSG sterkari líkamlega en þessar spænsku eru svo ótrúlega kvikar," sagði Agla.

,,Mér fannst við persónulega miklu betri á móti PSG en Real Madrid, þéttleikinn og allt skipulagið. Við vissum meira um PSG," sagði Telma, en Blikar mættu Parísarliðinu fyrir tveimur árum.

Gjörbreytt umgjörð í Meistaradeildinni
Eitt af því sem hefur verið bætt við Meistaradeildina er að leikirnir eru mikið aðgengilegri og hægt er að horfa á þá alla á Youtube. Peningarnir eru meiri og verið er að bæta keppnina til muna.

,,Þegar maður er í þessum ferðalögum, þá eru oft leikir daginn eftir. Maður er bara með Youtube í gangi og horfir á nokkra leiki," segir Agla.

,,Ég er búin að vera mikið á Youtube í skólanum undanfarið. Mér finnst geggjað að sjá þegar ég fór að horfa á leikinn í Úkraínu til baka að það var hægt að velja að horfa á leikinn með íslenskum lýsenda, enskum og úkraínskum," sagði Telma.

,,Þetta er bara geggjað finnst mér. Maður myndi kannski ekki ná að horfa á leikina ef það væri ekki verið að sýna þá á Youtube. Það er svo gott að þetta sé svona aðgengilegt," sagði Agla.

,,Síðustu ár hefur maður þurft að vera einhver tölvugúru til að hakka sig inn á eitthvað lélegt streymi," sagði Mist Rúnarsdóttir.

,,Það kunna allir að fara á Youtube," sagði Telma.

Ásamt því að eiga heimaleik eftir gegn Kharkiv, þá eiga Blikar eftir heimaleik við Real Madrid og útileik við PSG. ,,Að fá Real Madrid hérna heim, það skiptir mjög miklu máli," segir Agla en mikil spenna er fyrir þeim leik.
Eyða Breyta

Fyrir leik
Dómarateymið kemur frá Skotlandi.

Lorraine Watson dæmir leikinn og henni til aðstoðar eru þær Vikki Michelle Allan, Vikki Robertson og fjórði dómari er Hannah Mclean.
Eyða Breyta

Fyrir leik
Staðan í riðlinum
1 PSG 3 +11 9
2 Real Madrid 3 +2 6
3 WFC Kharkiv 3 -6 1
4 Breiðablik 3 -7 1
Eyða Breyta

Fyrir leik
Geta skrifað söguna í hverjum leik
,,Það er fínt að þurfa ekkert að ferðast og vera að spila á heimavelli og eigum þar að leiðandi meiri séns að vinna þennan leik," sagði Agla María Albertsdóttir á fréttamannafundi fyrir leik.

,,Stefnan er að skora fyrsta markið og vinna leikinn. Við getum verið að skrifa söguna í hverjum leik, sagði Agla. Þetta er hörkulið en ég held samt sem áður að ef við eigum okkar dag þá eigum við góðan séns að vinna þær," sagði Agla María.
Eyða Breyta

Fyrir leik
Ætla sér öll stigin
,,Staðan í riðlinum er með svipuðum hætti og við mátti búast fyrir fram. Við erum með tveimur mjög sterkum liðum í riðli. Að ná einhverju út úr leikjunum gegn þeim væri frábært, en jafnframt erfitt," sagði Ásmundur Arnarsson, þjálfari Breiðabliks, eftir leikinn í Úkraínu.

,,Eins og við litum á riðilinn fyrir fram, þá eru mestu líkurnar á því að ná í stig gegn Kharkiv. Við náum í eitt stig hér á útivelli. Staðan er nokkuð skýr; það eru tvö frekar sterk lið og tvö aðeins veikari í riðlinum. Markmiðið okkar er skýrt, við viljum reyna að ná í þrjú stig á heimavelli og ætlum að gera allt sem í okkar valdi stendur til þess," sagði Ási.
Eyða Breyta

Fyrir leik
Bæði lið án sigurs
Bæði lið eru með eitt stig eftir fyrri leik liðanna sem fram fóru í síðustu viku. Leikurinn endaði með markalausu jafntefli í Úkraínu.

Með Breiðabliki og Kharkiv í riðlinum eru PSG og Real Madrid.
Eyða Breyta

Fyrir leik
Komiði sælir lesendur góðir og veriði velkomnir í þessa beinu textalýsingu frá leik Breiðabliks og Kharkiv í Meistaradeild kvenna.

Leikurinn hefst klukkan 17:45, er í beinni útsendingu á Youtube og er fjórði leikur Breiðabliks í riðlinum.
Eyða Breyta