Verið að leika þjóðsöngvana. Íslenska liðið spilar alhvítt í dag. Það er 14 gráðu hiti og léttskýjað í Belek.

Jæja leikurinn fer að hefjast á þessu æfingasvæði í Tyrklandi. Eins og áður segir þá er leikurinn sýndur beint á Stöð 2 Sport þar sem Gummi Ben sér um að lýsa.

Hér til hliðar er hægt að sjá byrjunarlið Úganda en allir leikmenn hópsins spila í Afríku og eru fótboltaáhugafólki ekki kunnir.

Úganda mistókst að komast í Afríkukeppnina. Það er Serbinn Milutin Sredojevic sem stýrir liði Úganda en hann tók aftur við liðinu í sumar. Hann stýrði áður Úganda 2013-2017 en síðan hefur hann þjálfað landslið Sambíu, Suður-afríska félagsliðinu Orlando Pirates og Zamalek í Egyptalandi.

Á síðasta ári var hann dæmdur fyrir kynferðisofbeldi en þrátt fyrir það ákvað fótboltasamband Úganda að halda honum í starfi.

Byrjunarlið Íslands er komið inn.

Sex leikmenn í byrjunarliðinu eru að spila sinn fyrsta landsleik á ferlinum. Það eru þeir Jökull Andrésson, Finnur Tómas Pálmason, Atli Barkarson, Viktor Örlygur Andrason, Viktor Karl Einarsson og Valdimar Þór Ingimundarson.

Arnór Ingvi Traustason er fyrirliði Íslands í leiknum og Jón Daði Böðvarsson spilar sinn fyrsta leik síðan í ágúst.

Brynjólfur Andersen Willumsson er ekki í hópnum en hann greindist með Covid á dögunum og er í einangrun inn á hótelherbergi sínu.

Arnór Ingvi Traustason er fyrirliði Íslands í dag

"Það er mikilvægt ár framundan hjá okkur og áríðandi að nýta hvert einasta tækifæri sem við fáum til að stilla saman strengina, skoða leikmenn og halda áfram að byggja upp okkar lið til framtíðar. Leikirnir í þessum janúarglugga hafa reynst vel í gegnum tíðina og ég er viss um að svo verður líka núna," sagði Arnar Þór Viðarsson landsliðsþjálfari þegar hópurinn var tilkynntur.

"Leikmenn þurfa að halda áfram að taka skref á sínum ferli og við þurfum jafnframt að halda áfram að taka skref sem landslið. Það eru margir áhugaverðir leikmenn í þessum hópi og ég hlakka til að vinna með þeim öllum. Þetta er alvöru gluggi til að stimpla sig inn fyrir komandi verkefni."

Í hópnum eru átta leikmenn úr íslensku deildinni, fjórir leikmenn Breiðabliks og fjórir leikmenn Víkings. Tíu í hópnum hafa ekki spilað A-landsleik; Jökull, Hákon Rafn, Finnur Tómas, Damir, Atli Barkar, Viktor Karl, Valdimar Þór, Kristall Máni, Viktor Örlygur og Brynjólfur Willumsson.

Brynjólfur Andersen Willumsson er með Covid-19 og er í einangrun á hóteli íslenska landsliðsins í Tyrklandi. Hann tekur því ekki þátt í leiknum í dag.

Velkomin með okkur í þessa beinu textalýsingu!



Íslenska landsliðið er við æfingar í Belek í Tyrklandi um þessar mundir og leikur þar tvo vináttuleiki í vikunni. Fyrst mætir liðið Úganda í dag kl. 14:00 að íslenskum tíma og síðan Suður-Kóreu á laugardag kl. 11:00 .

Ísland hefur aldrei áður mætt þessum þjóðum í A-landsliði karla. Báðir leikirnir verða í beinni útsendingu á Stöð 2 Sport.

Ekki er um alþjóðlega leikdaga að ræða og margir af okkar bestu leikmönnum voru því ekki fáanlegir í þetta verkefni.

Leikmannahópurinn:
Ingvar Jónsson - Víkingur R. - 8 leikir
Hákon Rafn Valdimarsson - IF Elfsborg
Jökull Andrésson - Morecambe

Finnur Tómas Pálmason - IFK Norrköping
Ísak Óli Ólafsson - Esbjerg fB - 1 leikur
Damir Muminovic - Breiðablik
Ari Leifsson - Stromsgodset IF - 1 leikur
Atli Barkarson - Víkingur R.
Davíð Kristján Ólafsson - 2 leikir
Valgeir Lunddal Friðriksson - Häcken - 1 leikur
Alfons Sampsted - Bodo/Glimt - 7 leikir
Viktor Karl Einarsson - Breiðablik
Valdimar Þór Ingimundarson - Strömsgodset IF
Kristall Máni Ingason - Víkingur R.
Stefán Teitur Þórðarson - Silkeborg IF - 7 leikir, 1 mark
Viktor Örlygur Andrason - Víkingur R.
Alex Þór Hauksson - Östers IF - 3 leikir
Höskuldur Gunnlaugsson - Breiðablik - 1 leikur
Arnór Ingvi Traustason - New England Revolution - 41 leikur, 5 mörk
Gísli Eyjólfsson - Breiðablik - 2 leikir
Viðar Ari Jónsson - Sandefjord - 5 leikir
Jón Daði Böðvarsson - Millwall - 60 leikir, 3 mörk
Sveinn Aron Guðjohnsen - IF Elfsborg - 8 leikir
Brynjólfur Willumsson - Kristiansund BK